खड़गपुर, 02 अक्टोबर (हि.स.)। दुर्गा पूजाको समयमा बढ्दो यात्रु भीड़लाई ध्यानमा राख्दै दक्षिण पूर्वी रेलवेको खडगपुर मण्डलले 6 वटा ईएमयू स्पेशल ट्रेनहरू परिचालन गर्ने निर्णय गरेको छ। यी विशेष रेलहरू 17 देखि 22 अक्टोबर, 2026 सम्म परिचालन हुनेछन् यात्रुहरूको सुविधाका लागि सबै विशेष रेलहरू आफ्नो सबै मार्गका स्टेशनहरूमा रोकिनेछन्।

रेलवे अनुसार पाँसकुड़ा-हावडा ईएमयू 17 देखि 21 अक्टोबरसम्म दैनिक राती 10ः30 बजे पाँसकुड़ादेखि प्रस्थान गरी दिउँसो 12ः20 बजे हावडा पुग्नेछ। हावड़ा-पाँसकुड़ा स्पेशल 18 देखि 22 अक्टोबरसम्म राती 12:50 बजे हावड़ाबाट प्रस्थान भएर राती 02ः40 बजे पाँसकुड़ा पुग्नेछ।

मेचेदा-हावड़ा स्पेशल 17 देखि 21 अक्टोबरसम्म राती 11:30 बजे मेचेदादेखि प्रस्थान भएर राती 1 बजे हावड़ा पुग्नेछ। हावड़ा-मेचेदा स्पेशल 18देखि 22 अक्टोबरसम्म राती 1:15 बजे हावड़ादेखि प्रस्थान गरेर राती 2:45 बजे मेचेदा पुग्नेछ।

यसरी नै आमता-हावड़ा स्पेशल 17 देखि 21 अक्टोबरसम्म राती 11:55 बजे आमताबाट प्रस्थान गरेर राती 1:20 बजे हावड़ा पुग्नेछ। हावड़ा-आमता 18 देखि 22 अक्टोबरसम्म राती 1:30 बजे हावड़ाबाट प्रस्थान भएर राती 3 बजे आमता पुग्नेछ।

रेलवेले बतायो, आगमी 17-22 अक्टोबरको अवधिमा केही रेलहरूलाई छोड़ेर सबै ग्यालोपिङ्ग ईएमयू तथा एमईएमयू ट्रेनहरू सबै यात्रु झर्ने स्टेशनहरूमा रोकिनेछ। ट्रेन नम्बरहरू- 38806, 38808, 38714, 68007, 68002, 18033, 18034 र 38821 यस व्यवस्थादेखि बाहिर राखिएको छ।

हिन्दुस्थान समाचार / उष्णता छेत्री शर्मा