डिब्रुगढ (असम), 21 अक्टोबर (हि.स.)। दुर्गा पूजाको नवमी (मङ्गलवार)- को मध्यरातमा मरियानीको नागाधुलमा अवैध हतियार बरामद भएको घटनालाई लिएर क्षेत्रमा सनसनी फैलियो। यस मामिलामा पुलिसले दुई जनालाई पक्राउ गरेको छ।

पुलिस सूत्रले आज बताएको छ, बितेको राती लगभग 12 बजे एउटा एसयूभी वाहन (एएस-03एजी-7617)- बाट एउटा .33 पिस्तोल बरामद गरियो। उजुरी अनुसार एसयूभी वाहनले यात्रु वाहनलाई ठक्कर दिएपछि भाग्ने प्रयास गऱ्यो। पूजा घुमेर घर फर्किरहेका मानिसहरूले वाहनलाई रोक्ने प्रयास गर्दा वाहनमा रहेका दुई जना व्यक्तिले पिस्तौल निकालेर मानिसहरूलाई गोली हान्ने धम्की दिए। पिस्तोल देखेर त्यस क्षेत्रको अवस्था तनाउपूर्ण भयो।

घटनाको जानकारी पाएपछि पुलिस घटनास्थलमा पुग्यो अनि अभियुक्तलाई हिरासतमा लियो। पक्राउ परेका दुई जना मारियानी नक्सारीका बासिन्दा दीपङ्कर बारचेटिया र सन्तोष डेकाको रूपमा पहिचान गरिएको छ। घटनाको समयमा दुवै जनाले धेरै रक्सी पिएका थिए भनी पुलिसले दाबी गरेको छ। मरियानी पुलिसले घटनाको अनुसन्धान गरिरहेको छ।

--------

हिन्दुस्थान समाचार / उष्णता छेत्री शर्मा