खड़गपुर, 21 अक्टोबर (हि.स.)। पश्चिम मेदिनीपुर जिल्लाको खड़गपुरमा दुर्गा पूजा हेर्न गइरहेकी 19 वर्षीया विवाहित महिलाको सड़क दुर्घटनामा मृत्यु भयो भने उनीसँगै आएको नौ महिनाको बच्चा गम्भीर रूपमा घाइते भएको छ। दुर्घटना नवमीको दिन खड़गपुर लोकल थाना क्षेत्र अन्तर्गत मूलबाँध क्षेत्रमा भएको हो। चाड़पर्वको बेलामा भएको यस घटनाले परिवारमा गहिरो शोक छाएको छ।
स्थानीय सूत्र अनुसार पश्चिम मेदिनीपुर जिल्लाको सङ्कराइल पुलिस स्टेशन अन्तर्गत प्रतापपुरकी विवाहिता महिला आफ्ना पति, नौ महिनाकी छोरी र भाइसँग बाइकमा दुर्गा पूजा हेर्न खड़गपुर गइरहेकी थिइन्। यसै अवधि मूलबाँध क्षेत्रमा बम्प पार गर्दा दुर्घटना भयो। दुर्घटनापछि स्थानीयहरूले ती सबैलाई केशियादीको खजरा ग्रामीण अस्पतालमा पुऱ्याए जहाँ डाक्टरले विवाहितालाई मृत घोषित गरिदिए। उनकी नौ महिनाकी छोरी गम्भीर घाइते भइन् जसको अस्पतालमा उपचार भइरहेको छ। घटनाको जानकारी पाएपछि केशियादी पुलिस स्टेशनबाट पुलिसले खजराको ग्रामीण अस्पतालमा लग्यो। पुलिसले शवलाई पोस्टमर्टम गर्नको लागि पठादिएको छ। पुलिस सूत्र अनुसार मेजिस्ट्रेटको उपस्थितिमा पोस्टमर्टम गरिनेछ।
--------
हिन्दुस्थान समाचार / उष्णता छेत्री शर्मा
21 Oct 2026
