गान्तोक, 06 अक्टोबर (हि.स.)। राजधानीको पाल्जोर स्टेडियममा जारी ४२औँ अखिल भारतीय राज्यपाल स्वर्ण कप फुटबल प्रतियोगिता २०२६ को दोस्रो दिन दुई खेल सम्पन्न भए।
पहिलो खेलमा सिङलिङ एससीले ओएल एफटी, असमलाई ४-१ गोलले पराजित गर्यो। सिङलिङका लागि कप्तान उत्तम राईले दुई गोल गरे भने सेन्चुङ भोटियाले पनि दुई गोल गरे।
उत्तम राईले खेलको तेस्रो र अतिरिक्त समयको ४५+२औँ मिनेटमा गोल गरेका थिए। सेन्चुङ भोटियाले १२औँ मिनेटमा गोल गरेका थिए। ओएल एफटी, असमका लागि एकमात्र गोल दिपु गोहेनले २१औँ मिनेटमा गरेका थिए।
दोस्रो खेलमा थन्डरबोल्ट नर्थ युनाइटेडलाई गोकुलम केरला एफसीले ४-१ गोलले पराजित गर्यो। गोकुलम केरलाका लागि पहिलो गोल चाङ्तेले ९औँ मिनेटमा गरेका थिए। यसपछि, छोटेले ४४औँ मिनेट, डेनिसले ४५+२औँ मिनेट तथा भिक्टरले ७०औँ मिनेटमा गोल गरे।
अर्कातिर, थन्डरबोल्ट नर्थ युनाइटेडका लागि करण राईले ३५औँ मिनेटमा एक गोल गरे।
भोलि, बुधबार एकमात्र खेल सिक्किम आक्रमण र ओडिशा एकादशबीच हुनेछ। खेल दिउँसो २:३० बजी शुरु हुनेछ।
हिन्दुस्थान समाचार / बिशाल
