
गुवाहाटी, 19 नोभेम्बर (हि.स.)। असम राज्य विद्यालय शिक्षा बोर्ड (एएसएसईबी)- ले वर्ष 2027- को हाई स्कूल लीभिङ्ग सर्टिफिकेट (एचएसएलसी) र उच्चतर माध्यमिक अन्तिम परीक्षाको तालिका घोषणा गरेको छ। परीक्षाको समय तालिका घोषणा भएपछि राज्यका हजारौँ विद्यार्थीहरूको परीक्षा तयारीलाई लिएर तस्वीर स्पष्ट भएको छ।
घोषित तालिका अनुसार एचएसएलसी सैद्धान्तिक परीक्षा 25 फरवरी, 2027 देखि शुरु हुनेछ भने उच्चतर माध्यमिक अन्तिम परीक्षा 12 मार्च, 2027- देखि हुनेछ।
एचएसएलसी परीक्षा सञ्चालन बोर्डको प्रथम मण्डल तथा उच्चतर माध्यमिक परीक्षाको सञ्चालन दोस्रो मण्डलद्वारा गरिनेछ। दुवै परीक्षा भिन्न-भिन्न चरणमा हुनेछ। बिहानको शिफ्ट बिहान 9- देखि दिउँसो 12 बजेसम्म र दोस्रो शिफ्ट दिउँसो 1.30-देखि साँझ 4.30 बजेसम्म निर्धारित गरिएको छ। दुवै परीक्षाको व्यावहारिक परीक्षा वर्ष 2027- को जनवरीमा हुने भएको छ।
उच्चतर माध्यमिक परीक्षामा कला, विज्ञान र वाणिज्य विभागका विद्यार्थीहरूसँगसँगै व्यावसायिक पाठ्यक्रमको परीक्षार्थी पनि सामेल हुनेछन्।
--------
हिन्दुस्थान समाचार / उष्णता छेत्री शर्मा