
हमीरपुर, २० नोभेम्बर (हि.स.)। उत्तर प्रदेशको हमीरपुर जिल्लामा शुक्रवार पानीले भरिएको पोखरीमा एक ई–रिक्सा चालकको शव फेला परेपछि क्षेत्रमा सनसनी फैलिएको छ। सूचना पाएलगत्तै पुलिस घटनास्थल पुगेर शव कब्जामा लिई अनुसन्धान शुरु गरेको छ।
जरिया थाना प्रभारी मनोज कुमार पाण्डेय अनुसार, थाना क्षेत्रको गोहाण्ड बजार स्थित कैलाश पटेल नगरको एउटा पोखरीमा विपिन कुमार (पिता– फूल सिंह) को शव तैरिरहेको अवस्थामा फेला परेको हो। गोहाण्ड चौकी प्रभारीले पुलिस टोली सहित घटनास्थल पुगेर शव पोखरीबाट बाहिर निकाल्दै पोस्टमार्टमका लागि पठाएका छन्।
उनी अनुसार, विपिन कुमार विगत दुई दिनदेखि बेपत्ता थिए। परिवारले उनको खोजी गरिरहेको थियो र यस सम्बन्धमा थानामा हराएको उजुरी समेत दर्ता गराएको थियो। पुलिसले पोखरी नजिकैबाट उनको ई–रिक्सा पनि नियन्त्रणमा लिएको छ। घटनाबारे थप अनुसन्धान भइरहेको छ।
/ बिशाल