नयॉं दिल्ली, 08 नोभेम्बर (हि.स.)। भाजपाका वरिष्ठ नेता तथा पूर्व उपप्रधानमन्त्री भारतरत्न लालकृष्ण आडवाणीको ९९औँ जन्मदिनको अवसरमा आइतबार पार्टीको केन्द्रिय कार्यालयमा हवन कार्यक्रम आयोजना गरियो। कार्यक्रममा भाजपा राष्ट्रिय अध्यक्ष नितिन नवीनसहित पार्टीका विभिन्न वरिष्ठ नेताहरू सहभागी बने। हवनमार्फत आडवाणीको उत्तम स्वास्थ्य र दीर्घायुको कामना गरिएको थियो। आडवाणी आइतबार आफ्नो जीवनको सयौँ वर्षमा प्रवेश गरेका छन्।

कार्यक्रम बिहान १० बजीदेखि १०:३० बजीसम्म सञ्चालन भएको थियो। त्यसपछि आडवाणीको जीवनयात्रा तथा उनका प्रमुख सम्बोधनहरूमा आधारित श्रव्यदृश्य प्रस्तुति राखिएको थियो। भाजपा अध्यक्ष नितिन नवीनले पनि समारोहलाई सम्बोधन गरेका थिए।

नितिन नवीनले सामाजिक सञ्जाल एक्समार्फत आडवाणीलाई जन्मदिनको शुभकामना दिँदै जनसङ्घदेखि भाजपासम्म सङ्गठन विस्तार र राष्ट्रवादी विचारधारालाई जनस्तरसम्म पुर्याउन उनको योगदान अविस्मरणीय रहेको बताएका छन्। उनले श्रीराम जन्मभूमि आन्दोलनलाई जनआन्दोलनको स्वरूप दिन आडवाणीले खेलेको भूमिकाको पनि स्मरण गरेका छन्।

भाजपा अध्यक्षले सार्वजनिक जीवनमा आडवाणीको स्वच्छ छवि र सङ्गठनप्रतिको अटुट निष्ठा पार्टीका सबै कार्यकर्ताका लागि प्रेरणाको स्रोत रहेको बताएका छन्। साथै, उनले आडवाणीको उत्तम स्वास्थ्य र दीर्घायुको कामना गर्दै ईश्वरसँग प्रार्थना गरेका छन्।

/ बिशाल