खड़गपुर, 19 मार्च (हि.स.)। दक्षिण पूर्व रेलवे खेल संघ (सेरसा), खड़गपुरद्वारा आयोजित '5औं अन्तर-विभागीय खेल प्रतियोगिता- 2026' बिहीवारदेखि भव्य रूपमा शुरू भयो। स्थानीय अनिमेष कुमार गांगुली सेरसा स्टेडियममा आयोजित एक गरिमामयी समारोहमा खड़गपुर मण्डलका मण्डल रेल प्रबन्धक ललित मोहन पाण्डेयले यस दुई दिवसीय खेल महाकुम्भको उद्घाटन गरे। यस अवसरमा मण्डलका वरिष्ठ अधिकारीगण एवं विभिन्न विभागहरूबाट आएका उत्साही प्रतिभागीहरूको ठूलो संख्यामा उपस्थिति रहेको थियो।
यस दुई दिवसीय खेल प्रतियोगिता 19 एवं 20 मार्च, 2026-मा आयोजना गरिँंदैछ। यस आयोजनमा रेलवेका विभिन्न महत्वपूर्ण विभागहरूका टीम तथा व्यक्तिगत खेलाड़ीहरूले आ-आफ्नो खेल प्रतिभा प्रदर्शन गरिरहेका छन् जसम मुख्य रूपमा सामेल छन्- ट्राफिक, आरपीएफ औ इञ्जीनियरिंग विभाग। मेडिकल, सामान्य प्रशासन तथ म्याकेनिकल विभाग। सिग्नल एवं दूरसंचार, स्टोर्स र इलेक्ट्रिकल विभाग, पर्सनल तथा अकाउन्ट्स विभाग।
प्रतियोगिता अन्तर्गत खेलहरूको एक विस्तृत श्रृङ्खला आयोजना गरिँदैछ जसमा मुख्य रूपमा ब्याडमिन्टन, भलीबल, क्यारम, शतरञ्ज, क्रिकेट औ फुटबल सामेल छन्।
प्रतियोगिताको पहिलो दिन प्रतिभागीहरूमा अभूतपूर्व उत्साह तथा खेल भावनाको उत्कृष्ट प्रदर्शन देखियो जसले विभिन्न विभागहरूबीच आपसी सहयोग र स्वस्थ प्रतिस्पर्धालाई प्रोत्साहन दिएको छ। यस आयोजनको मुख्य उद्देश्य रेलवे कर्मचारीहरूबीच शारीरिक फिटनेस, आपसी सौहार्द तथा टीम भावनालाई प्रोत्साहित गर्नु हो।
हिन्दुस्थान समाचार / उष्णता छेत्री शर्मा
