हुगली, 22 मार्च (हि. स.)। हुगली र ब्याण्डेल स्टेशनबीच ओभरहेड तारमा विद्युत कनेक्शन काटिएको कारण आइतवार बिहान ट्रेन सेवा ठप्प भयो। जसबाट यात्रीहरूलाई धेरै असुविधा भयो।
सूत्र अनुसार लगभग डेढ़ घण्टासम्म हावड़ा-बर्दवान, हावड़ा-काटवा औ ब्याण्डेल-नैहाटी लाइनमा अप र डाउन दुवै दिशाका ट्रेनहरू रोकिए। फलस्वरूप विभिन्न स्टेशनहरूमा ट्रेनहरूको संचालन बाधित भयो। हुगली स्टेशनमा अस्थायी रूपमा टिकट बिक्रीमाथि रोक लगाइयो।
पूर्व रेलवेका मुख्य जनसम्पर्क अधिकारीले बताए, ओभरहेड उपकरणमा ‘पावर अफ’ भएको कारणले यो समस्या उत्पन्न भएको हो। तथापि रेलवे इञ्जीनियरहरूले तुरून्तै विद्युत कनेक्शन बहाल गरे जसपश्चात अप-डाउन दुवै लाइनमा ट्रेन सेवा सामान्य भयो।
ट्रेनहरू रोकिनाले यात्रीहरूलाई लामो समयसम्म प्रतिक्षा गर्नुपऱ्यो। कतिपय यात्रीहरू स्टेशन वा ट्रेनभित्रै फसे। ब्याण्डेल-नैहाटी शाखामा पनि विद्युत कटौतीको कारण सेवा बाधित भयो।
हिन्दुस्थान समाचार / उष्णता छेत्री शर्मा
