आसनसोल, 22 मार्च (हि.स.)। ईदको अवसरमा गए शनिवार राती चेलिडंगालमा आयोजित एक कार्यक्रममा सामेल हुन आसनसोलका सांसद शत्रुघ्न सिन्हाले मुस्लिम समुदायका मानिसहरूलाई ईदको शुभकामना दिए।

यस अवधि उनले भने, आर.जी. करको घटना अत्यन्त निन्दनीय छ। तर यसको लागि तृणमूल नेतृत्व वा राज्यकी मुख्यमन्त्री जिम्मेवार छैनन्। हो, यो आवश्यक छ कि एकजना अभिभावकको रूपमा वा मुख्यमन्त्रीको रूपमा यो हेर्ने काम उनको हो। उनले भने, भाजपाले यस मामिलामा आफ्नो राजनीतिक फाइदा उठाउने प्रयास गरिरहेको थियो, तर जनताले यसको जवाफ पहिला नै दिसकेका छन्। भविष्यमा पनि जनताले यसको जवाफ दिनेछन्।

भाजपालाई लक्षित गर्दै उनले भने, पश्चिम बंगाल चुनाउलाई लिएर भाज पूर्ण रूपमा निराश छ। किनभने भाजपाले यहाँ कहिल्यै जीत हासिल गर्नेछैन। भाजपाले बंगालका योद्धाहरू, साहित्यकार, नोबेल विजेताहरूको अपमान गरेको छ। उनले बिहार, हरियाणा, महाराष्ट्र चुनाउमा भाजपाको जीतप्रति प्रश्न चिन्ह लगाउँदै उनले भने, नेता प्रतिपक्ष राहुल गान्धीले यी राज्यहरूको चुनाउलाई लिएर भोट चोरीको मुद्दा उठाएका थिए। मुख्य चुनाउ आयुक्त ज्ञानेश कुमारले यस सम्बन्धमा कुनै जवाफै दिँदैनन्। कर्नाटक सीआईडीले उनीसित 18 पटक सोधेको थियो। अखिलेश यादवले पनि कैयौं पटक पत्र लेखिसकेका छन्। तर उनले जवाफै दिंदैनन्। भाजपाको डबल इञ्जिन सरकार भएकोमा तथाकथित रूपमा भाजपाले चुनाउ जितिरहेको छ। कतै-कतै अपवाद हुन्छ।

सांसद शत्रुघ्न सिन्हाले भने, चुनाउ आयुक्त भाजपाका पर्यायवाची बनिसकेका छन्। चुनाउ आयुक्तमाथि प्रश्न उठाउनसाथ भाजपा उनलाई बचाउन आइपुग्छ। बंगालको चुनाई मोदीजी र अमितजीको लागि ठूलो चुनौती हो। उनीहरूलाई लाग्छ, उनीहरूले पश्चिम बंगालको चुनाउ जित्न सक्दैनन् र वास्तविकता पनि यही हो कि भाजपाले पश्चिम बंगालको चुनाउ जित्नै सक्दैन।

प्रशासनिक अधिकारीहरूको स्थानान्तरणको प्रश्नमा उनले भने, इतिहासमा यो घटना पहिलो पटक भएको छ जहाँ चुनाउ अवधि 50भन्दा अधिक अधिकारीहरूको स्थानान्तरण गरिएको छ।

हिन्दुस्थान समाचार / उष्णता छेत्री शर्मा