यमुनानगर, 22 मार्च (हि.स.)। यमुनानगर पुलिसको लागूऔषध विरोधी सेलले 100 ग्राम हेरोइन सहित एक युवकलाई पक्राउ गरेको छ। जफत गरिएको लागूऔषधको मूल्य अन्तरराष्ट्रिय बजारमा लगभग 10 लाख रुपियाँ पर्ने अनुमान गरिएको छ। पुलिसले अभियुक्तलाई अदालतमा पेश गर्यो र लागूऔषध आपूर्ति सञ्जालको बारेमा विस्तृत सोधपुछको लागि हिरासतमा लियो। सेल इन्चार्ज अनिल कुमारले आइतवार बताए, टोलीलाई सूचना प्राप्त भयो कि एक युवक दुई चक्के गाड़ीमा अशोका कोलोनी क्षेत्र हुँदै प्रतिबन्धित पदार्थको खेप बोकेर जाँदैछ।

सूचनाको आधारमा, तुरुन्तै एक विशेष टोली गठन गरियो र तोकिएको स्थानमा नाकाबन्दी गरियो। केही समयपछि संदिग्धलाई रोकेर खोजी गरियो। ड्युटी मजिस्ट्रेटको उपस्थितिमा खोजी कार्य सम्पन्न भयो र उनको कब्जाबाट 100 ग्राम हेरोइन जफत भयो। पुलिसले घटनास्थलमै अभियुक्तलाई हिरासतमा लिएको छ। पक्रा परेको युवतलाई यमुनानगरका निवासी राहुलको रूपमा पहिचान गरिएको छ। प्रारम्भिक अनुसन्धानबाट अभियुक्त पहिले पनि लागूऔषध ओसारपसारका मुद्दामा संलग्न रहेको र उ विरुद्ध तीन मुद्दा अदालतमा विचाराधीन रहेको खुलासा भएको छ।

हिन्दुस्थान समाचार / भवानी थामी