खड़गपुर, 15 अप्रेल (हि.स.)। बंगला नववर्ष (पोइला वैशाख) को अवसरमा पश्चिम बंगालको खड़गपुरमा बुधवार बिहान भाजपा नेता दिलीप घोषले कार्यकर्ताहरूसित रंगारंग शोभायात्रा निकालेर चुनावी प्रचारलाई नयाँ गति दिए। खड़गपुरको इंदा क्षेत्रबाट शुरू भएको शोभायात्रामा ठूलो संख्यामा महिला कार्यकर्ताहरूले भाग लिएको देखियो। पार्टीका केही कार्यकर्ता, समर्थक तथा स्थानीय मानिसहरू पनि यसमा सामेल भए। बाजागाजा, ढोल-नगाड़ा तथा नाराबाजीको बीचमा कार्यकर्ताहरूलाई पूर्ण उत्साहको साथमा प्रचार गरेको देखियो।

शोभायात्रा अवधि सड़कहरूमा स्थानीय मानिसहरूको व्यापक भीड़ देखियो। समर्थकहरूले फूल वर्षा गराए अनि नारा लगाएर दिलीप घोषलाई भव्य स्वागत गरे। नववर्षको शुभ अवसरमा दिलीप घोषलाई पनि कार्यकर्ताहरूसित नाँच्दै उनीहरूको उत्साह बढ़ाइरहेको देखियो।

त्यसपछि अपरान्ह शहरको बीचमा अवस्थित प्रेमहरि भवनमा कार्यकर्ताहरूको साथमा युवा मोर्चा सम्मेलन आयोजना गरियो। युवा जमातको व्यापक उपस्थितिमा सम्पन्न सो कार्यक्रलाई सम्बोधन गर्दै दिलीप घोषले संगठनलाई अझ बलियो बनाउने तथा चुनाउमा पूर्ण शक्तिको साथमा उत्रिने आह्वान गरे। उनले युवाहरूलाई अगाड़ि आउने आएर देशविरोधी शक्तिहरूलाई रोक्नमा सहयोग गर्ने अपील गरे।

आफ्नो सम्बोधनमा दिलीप घोषले भने, वर्ष 2016 -मा जस्तो स्थिति थियो, त्यस्तो स्थिति अहिले छैन। त्यसताक पनि उनीहरूले धेरै वटा चुनौतीहरूको सामना गर्दै परिस्थितिलाई सम्हालेका थिए। उ नले विश्वास व्यक्त गर्दै भने, यसपालि एक लाखभन्दा अधिक मतहरूले रेकर्ड तोड़ जीत हासिल गरेर सत्तामा फर्किइनेछ।

हिन्दुस्थान समाचार / उष्णता छेत्री शर्मा