श्रीनगर, 15 अप्रेल (हि.स.)। जम्मू-कश्मीरका मुख्यमन्त्री उमर अब्दुल्लाले बुधवार भने,भारतीय गुटले प्रस्तावित संसदीय विधेयकमाथि सामूहिक रूपमा आफ्नो प्रतिक्रिया तय गर्नुपर्छ। उनले यस कुरामाथि बल दिँदै भने,एक एकीकृत कदमको खाँचो छ।

श्रीनगरमा पत्रकारहरूसित बातचित गर्दै मुख्यमन्त्रीले पछिल्लो परिसीमन अभ्यासहरूमाथि चिन्ता व्यक्त गरे साथै आरोप लगाए, निर्वाचन क्षेत्रको पुनर्गठनले राजनीतिक रूपमा भाजपा र यसका सहयोगीहरूको पक्ष लिएको छ। उनले भने, दिल्लीमाकंग्रेस अध्यक्ष मल्लिकार्जुन खड़गेकोआवासमा हुन गइरहेको इण्डिया ब्लकको बैठकमा उनले भाग लिनेछन् जहाँ विपक्षद्वारा प्रस्तावित विधेयकमाथि संयुक्त रणनीति तयार गर्ने आशा छ।

उनले भने, इण्डिया ब्लकले मिलेर तय गर्नुपर्छ कि यस बिलमा के प्रतिक्रिया हुनेछ औ संसदमा उनीहरूको भूमिका के हुनेछ। उनले भने, भिन्न-भिन्न पार्टीले भिन्न-भिन्न रूपमा काम गर्नु प्रभावकारी हुनेछैन। गठबन्धनभित्र सामूहिक निर्णय लिन आवश्यक छ। पछिल्लो परिसीमन प्रक्रियाको उल्लेख गर्दै उनले भने, सीटहरूको बाँड़फाँड़ जसरी निर्वाचन क्षेत्र बनाइयो, जसरी चित्र बनाइयो तथा जसरी मतदाताहरूलाई स्थानान्तरण गरियो, उद्देश्य एउटै मात्र थियो कि भाजपा र उसका सहयोगीहरूलाई फाइदा होस्। उनले भने, लोकसभा सदस्यहरूको संख्या वृद्धि औ महिलाहरूलाई प्रतिनिधित्व गर्ने प्रावधान सहित संसदीय संरचनामा प्रस्तावित परिवर्तनको विपक्षी गुटद्वारा सामूहिक रूपमा जाँच गरिनेछ।

हिन्दुस्थान समाचार / उष्णता छेत्री शर्मा