कोलकाता, 17 अप्रेल (हि.स.)। भारतीय जनता पार्टी (भाजपा) का वरिष्ठ नेता औ निवर्तमान विधानसभामा नेता प्रतिपक्ष शुभेन्दु अधिकारीले शुक्रवार आरोप लगाए, सत्तारूढ़ तृणमूल कंग्रेसले आफ्ना कार्यकर्ताहरूलाई जाली पत्रकार परिचय पत्र जारी गरेर मतदान प्रक्रियालाई प्रभावित पार्ने चेष्टा गरिरहेको छ।
शुभेन्दु अधिकारीले एक्समा जारी सन्देशमा दाबी गरे, तृणमूल कंग्रेसले राजनीतिक परामर्श संस्था इण्डियन पोलिटिकल एक्शन कमिटी (आईप्याक) को मद्दतले आफ्ना कार्यकर्ताहरूलाई जाली मीडिा पहिचान पत्र उपलब्ध गराएको छ। यिनीहरूलाई पत्रकार बनाएर मतदान केन्द्र तथा प्रशासनिक परिसरहरूमा प्रवेश दिलाउने योजना बनाइएको छ ताकि मतदाताहरूलाई प्रभावित पार्न सकियोस् अनि चुनाउ प्रक्रियामा हस्तक्षेप गर्न सकियोस्।
उनले आरोप लगाए, यस्ता मानिसहरूलाई सुनियोजित ढंगले पत्रकारको रूपमा तैनाथ गरिँदैछ जसबाट उनीहरूले पत्रकारलाई प्राप्त हुने सुविधा र छुटको लाभ उठाएर अवैध गतिविधिहरू गर्न सकोस्।
भारतीय जनता पार्टीका नेताले निर्वाचन आयोगसित माग गरे, राज्यमा हालैमा जारी सबै मीडिया परिचय पत्रहरूको जांच गराइयोस्। मान्यताप्राप्त संस्थानहरूका अधिकृत पत्रकारहरूलाई मात्र मतदान केन्द्रको वरपर जाने अनुमति दिइयोस्।
उल्लेखनीय छ, एक दिनअघि तृणमूल कंग्रेसले भाजपामाथि आदर्श आचार संहिता उल्लंघन गरेको आरोप लगाएको थियो। तृणमूलको भनाइ थियो, भाजपाले “मातृशक्ति भरोसा कार्ड” योजनाको नाममा महिलाहरूलाई आर्थिक सहयोग दिने वाचा गर्दै मतदान मुखैमा विभिन्न क्षेत्रमा प्रपत्र वितरण गरिरहेको छ। पार्टीले यसलाई मतदाताहरूलाई प्रभावित पार्ने प्रयास बताउँदै निर्वाचन आयोगसित कारबाही गर्ने माग गरेको थियो।
यो समाचार लेखुञ्जेलसम्म तृणमूल कंग्रेसको पक्षबाट शुभेन्दुका आरोपहरूलाई लिएर कुनै आधिकारिक प्रतिक्रिया व्यक्त गरिएको थिेएन।
हिन्दुस्थान समाचार / उष्णता छेत्री शर्मा
