मीरजापुर, 17 अप्रेल (हि.स.)। हिजो राति उत्तर प्रदेशको मीरजापुरमा जिग्ना थाना क्षेत्रको गोगाउँ गाउँमा जेसीबीबाट माटो खन्ने विषयमा भएको विवादले उग्र रूप लियो। चौकीदारको कुटाइबाट घाइते भएका 40 वर्षीय युवकको उपचारको क्रममा मृत्यु भएपछि गाउँमा तनावको वातावरण बनेको छ।
मृतकको पहिचान दिनेश चौबे हो। परिवार अनुसार, गाउँका केही व्यक्तिले जेसीबी मेसिनले उनीहरूको जग्गामा माटो खनिरहेका थिए। दिनेश चौबेले विरोध गर्दा अजय, ललित उर्फ ऋषि र ब्रिजेश तिवारी उर्फ बब्लुले मिलेर लात र मुक्का प्रहार गरे।
गम्भीर घाइते दिनेशलाई तत्काल पीएचसी सरोई लगियो, जहाँ मेडिकल अफिसर इन्चार्ज डा. पुनीत अग्रवालले उनलाई मृत घोषित गरे। घटनाको जानकारी पाउनासाथ घटनास्थलमा पुगेको पुलिसले शवलाई आफ्नो कब्जामा लिएर पोस्टमार्टमको लागि पठायो।
मृतककी आमा मालतीदेवीले दोषी विरूद्ध कड़ा कारबाही गर्न माग गरेकी छन्। क्षेत्राधिकारी लालगञ्ज अमरबहादुरले शुक्रवार बिहान घटनास्थलको निरीक्षण गरी छिट्टै मुद्दा दर्ता गरी कारबाही अघि बढ़ाइने बताए।
थाना प्रभारी सञ्जय सिंहले उजुरी प्राप्त भएको र पुलिसले यस विषयमा अनुसन्धान गरिरहेको बताए। गाउँको अवस्थालाई मध्यनजर गर्दै सर्तकताका रूपमा पुलिस बल तैनाथ गरिएको छ।
हिन्दुस्थान समाचार / भवानी थामी
