तेजपुर (असम), 18 अप्रेल (हि.स.)। असमको मिसामारी रेलवे स्टेशन निकट सेनाको क्यान्टिन स्टोर्स डिपार्टमेन्ट (सीएसडी)-को लागि निर्धारित रक्सीको एउटा ठूलो खेपको तस्करी गर्ने प्रयास भएको खुलासा गरिएको छ। संयुक्त अभियानमा लगभग 150 पेटी रक्सी जफत गरियो।

यो खेप सेनाको सीएसडी आउटलेटहरूको माध्यमबाट बिक्री गर्नुथियो जसलाई अवैध रूपमा डिपो परिसरदेखि बाहिर लगिँदैथ्यो। सठीक गुप्त सूचनाको आधारमा असम पुलिस, तेजपुर स्थित सेनाको गजराज इन्टेलिजेन्स यूनिट तथा स्थानीय प्राधिकरणहरूद्वारा संयुक्त रूपमा कारबाही गर्दै यसलाई समातियो।

अधिकारीहरूले बताए अनुसार यो कारबाहीले प्रतिबन्धित सीएसडी सामग्रीलाई अवैध बजारमा पुऱ्याउने सुनियोजित प्रयासको खुलासा गर्दछ। समयमै गरिएको कारबाहीबाट अवैध वितरणलाई रोक्न सकियो अनि विभिन्न एजेन्सीहरूबीच कायम उत्कृष्ट समन्वय पनि झल्कियो।

यस सम्बन्धमा मिसामारी थानामा प्राथमिकी दर्ता गरी सम्पूर्ण मामिलाको विस्तृत अनुसन्धान गरिँदैछ।

हिन्दुस्थान समाचार / उष्णता छेत्री शर्मा