जलपाईगुड़ी, 6 अप्रेल (हि.स.)। एशियन गेम्सकी गोल्ड मेडलिस्ट एथलिट स्वप्ना बर्मनको लागि खेलको मैदानपछि अहिले राजनीतिको मैदानमा पनि ठूलो बाधा उत्पन्न भएको थियो। तर अन्ततः सबै कानूनी अड़चनहरूलाई चिरेर अगाड़ि बढ़्न उनी सफल भएकी छन्। अब राजगञ्ज विधानसभा सीटबाट तृणमूल कंग्रेस उम्मेद्वारको रूपमा उनले चुनाउ लड़्ने बाटो स्पष्ट भएको छ। सोमवार नामांकन दर्ता गराउने अन्तिम दिन उनले नामांकन पत्र दर्ता गर्नेछन्।
वास्तवमा स्वप्ना बर्मन उत्तर-पूर्व सीमान्त रेलवेको अलिपुरद्वार डिभीजनमा कार्यरत थिइन्। सरकारी नोकरीमा हुँदाहुँदै सक्रिय राजनीतिमा भागग लिनु कानूनविरूद्ध छ। उनले राजीनामा दिए पनि प्रक्रियामा त्रुटि भएको कारणले रेलवेले उनको राजीनामालाई स्वीकार गर्नको सट्टा उनलाई बर्खास्त गरिदियो। यो मामिला कानूनी लड़ाईँसम्ममा पुग्यो। पछि रेलवेले उनलाई “नो ड्यूज सर्टिफिकेट” दियो, तर नामांकन प्रक्रिया अवधि 2-बी फारमको एक धारामा बर्खास्त गर्नुको कारणलाई लिएर प्रश्न उठाइयो जसले गर्दा उनलाई चुनाउ आयोगबाट विशेष एनओसी लिन आवश्यक भयो। गत शनिवारसम्म एनओसी लम्बित रहेपछि उनको उम्मेद्वारितामाथि संकट मड़ारिरहेको थियो। यसबीच राजगञ्जका वर्तमान विधायक खगेश्वर रायको नामलाई लिएर पनि चर्चा चुलिएको थियो।
अन्तिम समयमा चुनाउ आयोगबाट एनओसी पाएपछि स्वप्ना बर्मनको उम्मेद्वारी अब पूर्ण रूपले स्पष्ट भएको छ।
भनिन्छ, तृणमूल सुप्रीमो ममता ब्यनर्जीको हस्तक्षेपपछि पार्टीभित्र स्थिति पनि सामान्य भयो। अब स्वप्ना बर्मनको दावेदारीलाई मजबुत मानिँदैछ।
हिन्दुस्थान समाचार / उष्णता छेत्री शर्मा
