कोलकाता, 07 अप्रेल (हि.स.)। पश्चिम बंगालकी मुख्यमन्त्री ममता ब्यानर्जीले मंगलवार आरोप लगाइन्, राज्यमा विशेष गहन पुनरीक्षण प्रक्रिया पश्चात मतदाता सूचीबाट मतुआ र अल्पसंख्यक समुदायका मानिसहरूको नाम हटाइएको छ।
नदिया जिल्लाको चकदामा आयोजित एक चुनावी सभालाई सम्बोधन गर्दै उनले भनिन्, तृणमूल कंग्रेस ती मानिसहरूको साथमा रहनेछ जसको नाम यस विशेष पुनरीक्षण अभियानपछि मतदाता सूचीबाट हटाइएको छ।
मुख्यमन्त्रीले दाबी गरिन्, यो कारबाही विशेष समुदायलाई लक्षित गरेर गरिएको हो जसमा मतुआ, राजबंशी र अल्पसंख्यक वर्ग सामेल छन्। उनले भनिन्, उनको पहल पश्चात उच्चतम न्यायालयमा मामिला उठाइयो जसको परिणामस्वरूप विचाराधिन लगभग 60 लाख मामिलामध्ये लगभग 32 लाख नामलाई फेरि मतदाता सूचीमा जोड़ियो।
यसबीच चुनाउ आयोगको नवीनतम आँकड़ा अनुसार विशेष गहन पुनरीक्षण प्रक्रियापछि राज्यमा लगभग 91 लाख मतदाताहरूको नाम मतदाता सूचीबाट हटाइएको छ।
उल्लेखनीय छ, 294 सदस्यीय पश्चिम बंगाल विधानसभाको लागि चुनाउ दुई चरणमा आगामी 23 अप्रेल र 29 अप्रेलमा भइरहेको छ भने यसको गणना आगामी 4 मईमा गरिनेछ।
हिन्दुस्थान समाचार / उष्णता छेत्री शर्मा
