कोलकाता, 20 मई (हि.स.)। मुख्यमन्त्री शुभेन्दु अधिकारीको पहलमा उत्तर बङ्गालका आठ वटा जिल्लाहरूका तृणमूल कङ्ग्रेसका 14 जना विधायकहरूलाई बुधवार सिलगढ़ीमा आोजित प्रशासनिक समीक्षा बैठकमा सामेल हुनका लागि आमन्त्रित गरिएको छ। यस कदमलाई राजनीतिक शिष्टाचार तथा लोकतान्त्रिक परम्पराको महत्वपूर्ण उदाहारण मानिँदैछ।

मुख्यमन्त्री कार्यालयका एकजना अधिकारी अनुसार उत्तर बङ्गालका आठ वटा जिल्लाहरूमा तृणमूल कङ्ग्रेस नै एकमात्र विपक्षी दल हो जसका निर्वाचित विधायकहरू छन्। त्यसैले सबै 14 जना विधायकहरूलाई बैठकमा भाग लिने निम्तो पठाइएको छ।

सूत्र मुताविक मुख्यमन्त्री शुभेन्दु अधिकारीको विशेष आग्रहमा विपक्षी विधायकहरूलाई आमन्त्रित गरिएको हो। उनको मान्यता छ, लोकतान्त्रिक व्यवस्थामा जनसेवासित सम्बन्धित मुद्दाहरूमाथि विपक्षी जनप्रतिनिधिहरूको सहभागिता र उनीहरूको सुलाझु लिनु स्वस्थ राजनीतिक परम्पराको अङ्ग हो।

राजनीतिक विश्लेषकहरूको भनाइ छ, शुभेन्दु अधिकारीले यस पहलको माध्यमबाट पूर्व मुख्यमन्त्री ममता ब्यानर्जीलाई पनि परोक्ष सन्देश दिन चाहन्छन्। वर्ष 2022-देखि 2026-सम्मको उनको कार्यकालमा कुनै पनि आधिकारिक सरकारी कार्यक्रममा विपक्षी विधायकहरूलाई आमन्त्रण गरिएको थिएन।

जानकार अनुसार पूर्व वामपन्थी मुख्यमन्त्री ज्योति बसु र बुद्धदेव भट्टाचार्यको समयमा विपक्षी विधायकहरूलाई सरकारी कार्यक्रमहरूमा आमन्त्रित गर्ने परम्परा थियो। तर तृणमूल कङ्ग्रेसको शासनकालमा यो परम्परा पूर्ण रूपले बन्द भएको थियो जसलाई अब वर्तमान भाजपा सरकारले पुनः शुरू गरेको छ।

हिन्दुस्थान समाचार / उष्णता छेत्री शर्मा