मङ्गन, 21 मई (हि.स.)। लागूऔषध दुरुपयोग रोकथामसम्बन्धी राष्ट्रिय समिति (एनकर्ड) को जिल्ला स्तरीय बैठक आज मङ्गन जिल्लाका जिल्लापाल अनन्त जैनको अध्यक्षतामा सम्पन्न भयो। बैठकमा जिल्लामा लागूऔषध दुरुपयोग तथा यससँग सम्बन्धित समस्याहरूको रोकथामका लागि समन्वयात्मक प्रयासलाई सुदृढ़ बनाउने विषयमा छलफल गरियो।
बैठकमा पुलिस, स्वास्थ्य, शिक्षा, ग्रामीण विकास, समाज कल्याण, आबकारी, यातायात, वन, पशुपालन, श्रम तथा शहरी विकास विभागका अधिकारीहरूका साथै पुनर्वास तथा युवा संस्थाका प्रतिनिधिहरू सहभागी थिए। जिल्ला प्रशासनिक केन्द्र परिसरभित्र रहेका अधिकारीहरू प्रत्यक्ष रूपमा सहभागी भए भने अन्य अधिकारीहरूले राज्य सरकारको निर्देशनअनुसार भर्चुअल माध्यममार्फत सहभागिता जनाए।
बैठकमा जिल्लामा सञ्चालन भइरहेका लागूऔषधविरुद्धका अभियानहरूको वर्तमान अवस्थाबारे समीक्षा गर्दै रोकथाम तथा पुनर्स्थापना सम्बन्धी कार्यक्रमहरूको प्रभावकारी कार्यान्वयनका लागि विभागीय समन्वय अझ सुदृढ़ बनाउने उपायहरूमाथि छलफल गरिएको थियो।
---------------
हिन्दुस्थान समाचार / बिशाल
23 May 2026
