मङ्गन, 21 मई (हि.स.)। मङ्गन पुलिस थानाका पीआई प्रशान्त राईले पुलिस टोलीसँग मिलेर आज नामोक-मङ्गसिलामा पेट्रोलिङ र दुईचक्के सवारीहरूको जाँच गरे।
पेट्रोलिङका क्रममा लागुऔषधसँग सम्बन्धित गतिविधिबारे स्थानीय जनतासँग अन्तरक्रिया गरी तदनुसार जानकारी सङ्कलन गरिएको थियो। यसैगरी, ट्राफिक नियम उल्लङ्घन गरेको आरोपमा मोटर सवारी अधिनियमको सम्बन्धित धाराअन्तर्गत दुई जना सवारमाथि मुद्दा पनि दर्ता गरिएको बताइएको छ।
यसबाहेक, पेट्रोलिङ अवधि पश्चिम बङ्गालको बनगाँवका एसआई सिद्धार्थ शाह र डब्ल्युसीटी अनुराधा बर्मा नामक दुई जना पुलिस कर्मचारी छुट्टीका लागि लाचुङतर्फ जाने क्रममा तिङचिम रोडमा सानो दुर्घटनामा परेको पाइएको थियो। त्यसपछि, उनीहरूलाई आवश्यक सहयोग प्रदान गरियो।
अन्तरक्रियाको क्रममा, एसआई सिद्धार्थ शाहको खुट्टामा चोट लागेकाले उनीहरूले उपचारका लागि सिलढी जाने इच्छा व्यक्त गरे, जबकि डब्ल्युसीटी अनुराधा बर्मालाई सामान्य पाइयो।
पुलिसद्वारा उनीहरूका लागि फुदोङ पीएचसीसम्म प्राथमिक उपचार उपलब्ध गराउनका लागि गाडीको व्यवस्था गरिएको थियो र फुदोङ पीएसका ड्युटी अफिसरलाई यसबारे सूचित गरिएको थियो। पीडित पुलिसकर्मीहरूको अनुरोधमा उनीहरूको सवारी साधन राङ्गराङ पुलिस चौकीमा राखिएको छ।
हिन्दुस्थान समाचार / बिशाल
23 May 2026
