दक्षिण दिनाजपुर, 22 मई (हि.स.)। जिल्लाको बुनियादपुर नगरपालिकाका पूर्व अध्यक्ष तृणमूल नेता कमल सरकारलाई पुलिसले पक्राउ गरेको छ। उनीमाथि जमीन बिक्रीको नाममा पैसा असुलेको आरोप छ।
पुलिस सूत्रहरू अनुसार, उपेन्द्रनाथ सरकार नामक व्यक्तिले बुधवार बंशीहरी पुलिस थानामा उनी विरुद्ध लिखित उजुरी दिएका थिए। यसपछि कमल सरकारलाई बिहिवार पक्राउ गरिएको थियो। उनलाई गंगारामपुर उप-विभागीय अदालतमा पेश गरियो, जहाँ न्यायाधीशले तीन दिनको पुलिस हिरासतमा राख्न आदेश दिए।
यस मुद्दामा तृणमूलका अर्का नेता कौशिक महतो र उनका दुई सहयोगी दिवाकर दास र मासदुर रहमानलाई पनि पक्राउ गरिएको छ। कौशिक महतो हिली ब्लकको त्रिमोहिनी क्षेत्रका बासिन्दा हुन् र जिल्ला परिषद्मा जनस्वास्थ्य अधिकारीको पदमा छन्। सबै अभियुक्तहरूलाई भ्रष्टाचार र बलजफ्ती चन्दा असुली लगायतका धेरै मुद्दामा पक्राउ गरिएको छ।
पूर्व मन्त्री तथा हरिरामपुरका विधायक विप्लव मित्रले यी पक्राउहरूलाई राजनीतिक रूपमा प्रेरित भएको बताएका छन्। उनले भने, पुराना मुद्दाहरूमा नाम थपेर कारबाही भइरहेको छ र यो मुद्दा सरकारस मक्ष उठाउनेछु।
यसैबीच भाजपा जिल्ला अध्यक्ष स्वरूप चौधरीले तृणमूल कांग्रेसमाथि चर्को आक्रमण गर्दै भने, यो पार्टी लुटपाट र भ्रष्टाचारमा संलग्न रहेको छ र सत्ता परिवर्तनपछि त्यस्ता व्यक्तिहरू अब जेलमा छन्। कानूनले आफ्नो काम गर्नेछ।
हिन्दुस्थान समाचार / भवानी थामी
23 May 2026
