खड्गपुर, 22 मई (हि. स.)। दक्षिण पूर्व रेलवेको रेलवे सुरक्षा बल (आरपीएफ)-ले “नन्हे फरिश्ते” अभियान अन्तर्गत कारबाही गर्दै ट्रेनमा एक्लै यात्रा गरिरहेकी 15 वर्षीय नाबालिकालाई सुरक्षित बचायो।
गए शुक्रवार साँझ रेलवेद्वारा जारी प्रेस विज्ञप्तिमा बताइएको छ, गए 21 मईको दिन गोकुलपुर-गिरि मैदान सेक्शनमा रात्रि गस्ती एवं ट्रेन जाँच्ने क्रममा आरपीएफ कर्मीहरूले ट्रेन सङ्ख्या 38831- को महिला कोचको जाँच गरिरहेका थिए। यस अवधि लगभग एक बजे एकजना नाबालिकालाई संदिग्ध परिस्थितिमा एक्लै यात्रा गरिरहेको पाइयो।
आरपीएफद्वारा जाँचबुध एवं काउनसिलिङ्ग गरिएपछि नाबालिकाले बताई, उ घरबाट भागेर एक्लै यात्रा गरिरहेकी छे। नाबालिकाको स्थितिलाई मध्यनजर गर्दै आरपीएफ कर्मीहरूले तत्परता देखाउँदै उसलाई संरक्षणमा लिए। नाबालिकलाई आरपीएफ पोस्ट मेदिनीपुरमा ल्याइयो जहाँ किशोर न्याय (बाल-बालिकाहरूको हेरचाह एवं संरक्षण) अधिनियम, 2015 का प्रावधानहरू अन्तर्गत आवश्यक हेरचाह एवं सुरक्षा प्रदान गरियो। मामिलाको सूचना चाइल्डलाइन खड़गपुरलाई पनि दिइयो।
सबै आवश्यक कानूनी औपचारिकता पूरा गरेपछि नाबालिकालाई अग्रिम कारबाही एवं सुरक्षित अभिरक्षाको निम्ति चाइल्ड हेल्प डेस्क, खड़गपुरलाई सुम्पिइयो।
हिन्दुस्थान समाचार / उष्णता छेत्री शर्मा
23 May 2026
