गान्तोक, 22 मई (हि.स.)। एकल प्रयोग प्लास्टिक (एसयूपी) मा प्रतिबन्ध लगाउन राज्य प्रदूषण नियन्त्रण बोर्ड (एसपीसीबी) सिक्किमका अधिकारीहरू, शहरी स्थानीय निकायका प्रतिनिधिहरू र सिक्किम पुलिस कर्मीहरूले २१ मई, २०२६ मा क्रमशः गान्तोक, नाम्ची, नयॉंबजार जोरथाङ, रम्फू, मङ्गन, सिङताम र गेजिङ नगरपालिका क्षेत्रहरूमा संयुक्त निरीक्षण गरे।
प्रतिबन्धित एसयूपी वस्तुहरूमा प्लास्टिकका स्टिकहरू भएका इयर बड, बेलुन स्टिक, प्लास्टिक झण्डा, क्यान्डी स्टिक, आइसक्रिम स्टिक, सजावटका लागि पोलिस्टीरिन (थर्मोकोल), प्लेट, कप, गिलास, कटलरी (काँटा, चम्चा, चक्कु), स्ट्र, ट्रे, मिठाईको बक्समा र्यापिङ गर्ने फिल्म, निमन्त्रणा कार्ड, र चुरोट प्याकेटहरू, साथै
१०० माइक्रोन भन्दा कमको प्लास्टिक वा पीवीसी ब्यानरहरू र स्टिररहरू समावेश छन्।
एकल प्रयोग प्लास्टिकमा प्रतिबन्धको पालना सुनिश्चित गर्न र एसयूपी विकल्पहरूको प्रवर्द्धन गर्न टोलीले नगरपालिकाहरूमा स्थानीय बजार र व्यावसायिक आउटलेटहरूको निरीक्षण गर्यो। सर्वसाधारण, खुद्रा विक्रेता र विक्रेताहरूलाई निषेधित एसयूपी वस्तुहरूको बारेमा संक्षिप्त जानकारी पनि दिइएको थियो। निरीक्षकणको क्रममा विभिन्न ठाउॅंमा नियम उल्लंघन विरुद्ध कारबाही गर्दै जरिवाना पनि लगाइएको छ।
हिन्दुस्थान समाचार / बिशाल
23 May 2026
