पाकिम, 01 जुलाई (हि.स.)। विभाग सम्बन्धित गृह मामिलामाथि संसदीय स्थायी समितिका सदस्यहरू आज तीन दिने अध्ययन भ्रमणमा सिक्किम आइपुगेका छन्। समितिका अध्यक्ष डा. राधा मोहन दास अग्रवालले अगुवाई गरेको प्रतिनिधिमण्डल 1 देखि 3 जुलाई, 2026 सम्म सिक्किममा रहनेछ।
समितिले भारत चीन सीमा क्षेत्र नथुलाको भ्रमण गर्नेछ, जहॉं समितिका सदस्यहरूले भारतीय सेनासँग अन्तरक्रिया गर्नेछ भने सीमा व्यवस्थापन, सुरक्षा चुनौतीहरू, सीमापार आवागमन, मानव बेचबिखन रोकथाम, साइबर र सञ्चार चुनौतीहरू, नागरिक-सैन्य समन्वय र पूर्वाधार विकासको बारेमा जानकारी प्राप्त गर्नेछन्।
समितिले पीएम-डीभाइन, एनईसी योजनाहरू, मिसन सिक्किम अर्गानिक्स लगायत केन्द्रिय प्रायोजित योजनाहरूको कार्यान्वयनको मूल्याङ्कन गर्न उत्तर पूर्वी क्षेत्र विकास मन्त्रालय, राज्य सरकारका वरिष्ठ अधिकारीहरू र सार्वजनिक क्षेत्रका ब्याङ्कहरूसँग समीक्षा बैठक पनि गर्नेछ।
रम्फू पर्यटक सुविधा केन्द्रमा आज प्रतिनिधिमण्डललाई गृह विभागका प्रोटोकल अधिकारी डीपी सिलाल र गान्तोकस्थित स्टेट ब्याङ्क अफ इन्डियाका वरिष्ठ अधिकारीहरूले स्वागत गरेका थिए।
हिन्दुस्थान समाचार / बिशाल
