इम्फाल, 15 जुलाई (हि.स.)। मणिपुरमा सुरक्षा बलहरूद्वारा विभिन्न जिल्लाहरूमा सञ्चालित 24 घण्टाको अभियानमा प्रचुर मात्रामा हतियार, विस्फोटक तथा सैन्य सामग्री जफत गरिएको छ। यस अवधि इम्फाल पूर्व जिल्लाबाट एकजना व्यक्तिलाई एके-56 राइफल तथा अन्य हतियारहरूको साथमा पक्राउ गरिएको छ।
बुधवार दिइएको आधिकारिक जानकारी अनुसार चुराचाँदपुर जिल्लाको गोथोल औ के. थेनजाङ्ग गाउँका जङ्गलहरूमा सञ्चालित भिन्न-भिन्न अभियानहरूमा सुरक्षा बलहरूले इंसास राइफल, एके राइफल, पिस्तोल, देशी बन्दुक, ह्याण्ड ग्रेनेड, आईईडी, आरपीजी गोला-बारूद, विस्फोटक, वायरलेस सेट, बुलेटप्रूफ ज्याकेट, हेलमेट, सैन्य उपकरण तथा भारी मात्रामा जिउँदो र खाली कारतूस जफत गरे।
यसरी नै इम्फाल पूर्व जिल्लाको उयुम्पोक मामाङ्ग लेइकाई निवासी सनासम इबोचा उपनाम अबोचा सिंह (42)-लाई उसको घरबाटै पक्राउ गरियो भने उसको कब्जाबाट एउटा एके-56 राइफल, एउटा .32 पिस्तोल, म्यागजिन तथा एके-56 को 27 वटा जिउँदो कारतूस जफत गरियो।
के. थेनजाङ्ग गाउँमा हतियारहरू जफत गर्ने अभियान मणिपुर पुलिस र 19 गढ़वाल राइफाल्सको संयुक्त टीमद्वारा सञ्चालन गरियो।
यसबीच सुरक्षा बलहरूले इम्फाल पश्चिमको लाङ्गजिङ्ग अचौबा क्षेत्रबाट प्रतिबन्धित सङ्गठन केसीपी (नोङ्गद्रेनखोम्बा)- का सक्रिय धन असुलकर्ता सागोलशेम लिशेम्बा उपनाम इबुङ्गो (28)-लाई पक्राउ गरे।
यता गत 6 जुलाईका दिन उखरूल जिल्लामा सुरक्षा बलहरूमाथि भएको हमलाका आरोपीहरूलाी पक्राउ गर्नको लागि टीएम कासोम, लितान औ सिकिबुङ्ग क्षेत्रमा गुप्तचर आधारित अभियान जारी छ। यस मामिलामा अहिलेसम्ममा तीन जना मानिसहरूलाई हिरासतमा लिइएको छ। अधिकारीहरू अनुसार राज्यमा खेती-किसानी, बजार औ राष्ट्रिय राजमार्ग-202 मा यातायात सामान्य रूपमा जारीछ।
हिन्दुस्थान समाचार / उष्णता छेत्री शर्मा