पश्चिम बर्दवान, 17 जुलाई (हि. स.)। रथयात्राको दिन दुर्गापुर इस्पात नगरीमा भएको एक भयानक दुर्घटनामा 43 वर्षीय सेवानिवृत्त शिक्षिकाको मृत्यु भयो। घटना ए-जोनस्थित आशिष मार्केटको छेउमा भएको हो जहाँ इस्कनको रथयात्रा भइरहँदा एउटा बिजुलीको पोल उनको शिरमाथि ढल्यो। मृतकाको पहिचान रानाप्रताप रोड निवासी आलोकलता चौधरी (65)- को रूपमा भएको छ। उनी एक सरकारी विद्यालयकी सेवानिवृत्त शिक्षिका थिइन्। यसको साथै उनी सर्व भारतीय गणतान्त्रिक महिला समितिकी सक्रिय कार्यकर्ता पनि थिइन्।

स्थानीय सूत्र अनुसार गए बिहीवार अपरान्ह एक बजी आलोकलता चौधरी आफ्नो घरदेखि इस्कनको रथयात्रा हेर्न गएकी थिइन्। यस अवधि रथको अग्लो ध्वजा नजिकैको बिजुलीको खम्बासित ठोक्किएर खम्बा सोझै उनको टाउकोमाथि ढल्यो। यस दुर्घटनामा तिनी गम्भीर रूपमा घाइते भइन्। स्थानीय मानिसहरूले तत्काल उनलाई अस्पातलमा पुऱ्याए जहाँ चिकित्सकहरूले तिनलाई मृत घोषणा गरिदिए।

यस घटनापछि क्षेत्रमा शोक व्याप्त भएको छ। स्थानीय मानिसहरूले दुर्घटनाको निष्पक्ष जाँच गरी जिम्मेवार मानिसहरूमाथि कारबाही गर्ने माग गरेका छन्।

तथापि यस घटनालाई लिएर इस्कन प्रबन्धनको पक्षबाट यो समाचार लेखुञ्जेलसम्म कुनै आधिकारिक प्रतिक्रिया दिइएको थिएन। पुलिस सम्पूर्ण मामिलाको जाँचमा जुटेको छ।

हिन्दुस्थान समाचार / उष्णता छेत्री शर्मा