नयाँ दिल्ली, 17 जुलाई (हि.स.)। आम आदमी पार्टी (आआपा)- का राष्ट्रिय संयोजक एवं दिल्लीका पूर्व मुख्यमन्त्री अरविन्द केजरीवालले परमवीर चक्रबाट सम्मानित फ्लाइङ्ग अफिसर निर्मलजीत सिंह सेखोंको जयन्तीमा उनलाई श्रद्धाञ्जली अर्पण गरे। उनले भने, सेखोंको अद्भुत शौर्य, अदम्य साहस, देशभक्ति औ सर्वोच्च बलिदान आज पनि देशवासी, विशेष गरी युवाहरूको लागि प्रेरणाको श्रोत हो।

अरविन्द केजरीवालले शुक्रवार सोशल मीडिया एक्समा पोस्ट गरेको आफ्नो सन्देशमा 1971 सालको युद्धमा शत्रहरूको जहाजलाई ध्वस्त बनाउने परमवीर चक्रबाट सम्मानित फ्लाइङ्ग अफिसर निर्मलजीत सिंह सेखोंको जयन्तीमा उनलाई नमन गर्दै भने, उनको अद्भुत शौर्य, देशभक्ति औ बलिदानले आज देशका बच्चा-बच्चा प्रेरित भएका छन्। उनले भने, यस्ता वीर सपूतहरूको जीवनले हामीलाई राष्ट्रहितलाई सर्वोपरी राख्ने तथा कर्तव्यप्रति समर्पित रहने पाठ सिकाउँछ।

उल्लेखनीय छ, फ्लाइङ्ग अफिसर निर्मलजीत सिंह सेखोंको जन्म 17 जुलाई, 1945-मा पञ्जाबको लुधियाना जिल्ला अन्तर्गत रुरका (इसेवाल) गाउँमा भएको थियो। सेखों भारतीय वायुसेनाको अहिलेसम्मका एकमात्र अधिकारी हुन् जसलाई परमवीर चक्रबाट सम्मानित गरिएको छ। 14 दिसम्बर, 1971-मा श्रीनगर एयरबेसको रक्षा गर्दै उनले सङ्ख्याको तुलनामा अधिक तथा आधुनिक पाकिस्तानी लड़ाकु विमानहरूको निर्भीकताले सामना गरेका थिए। उनका पिता, तरलोचन सिंह सेखों पनि भारतीय वायु सेनामा वारन्ट अफिसर थिए। जून, 1967- मा उनलाई भारतीय वायु सेनामा पायलटको रूपमा कमिशन गरिएको थियो।

हिन्दुस्थान समाचार / उष्णता छेत्री शर्मा