बक्सर, १७ जुलाई (हि.स.)। जिल्लाको वीर कुंवर सिंह चेकपोस्टमा सवारी साधन जाँच अभियानका क्रममा मध्य निषेध विभागको टोलीले ठूलो कारबाही गर्दै एउटा कन्टेनरबाट ठूलो परिमाणमा पञ्जाबमा निर्मित विदेशी रक्सी जफत गरेको छ। यो कारबाही मध्य निषेधका प्रभारी निरीक्षक कुन्दन कुमारको नेतृत्वमा गरिएको हो।

जाँचका क्रममा दिल्लीबाट पटना जाँदै गरेको एक कन्टेनरलाई रोकेर तलासी लिइयो। कन्टेनरको माथिल्लो भागमा क्यारियर सम्बन्धी समान लोड गरिएको थियो। अधिकारीहरूले सिल तोड़ेर विस्तृत जाँच गर्दा समानको बीचमा लुकाएर राखिएको पञ्जाब निर्मित विदेशी रक्सीदका बोतलहरू फेला पारे।

घटनास्थलबाट एक जनालाई पक्राउ गरिएको छ। कूल ३,०७,१७० मिलिलिटर (३०७.१७ लिटर) विदेशी रक्सी जफत गरिएको छ। जफत गरिएको रक्सीको अनुमानित बजार मूल्य ३ लाख ६८ हजार भारतीय रुपियाँ रहेको बताइएको छ।

पक्रा पर्ने आरोपी उत्तर प्रदेशको गोरखपुर निवासी ३३ वर्षीय सुनील यादव हुन्। पुलिसले रक्सी जफत गरिएको टाटा ट्रक (नम्बर: डीएल1एमबी5961) समेत नियन्त्रणमा लिएको छ।

मध्य निषेध विभागले आरोपी विरुद्ध बिहार मद्य निषेध तथा उत्पाद ऐन अन्तर्गत प्राथमिकी दर्ता गरी थप कानूनी कारबाही अघि बढ़ाएको छ।

हिन्दुस्थान समाचार / भवानी थामी