सिलगढ़ी, 17 जुलाई (हि. स.)। सिलगढ़ी नगरनिगमका कमिश्नर वीर विक्रम रायले शुक्रवार शहरको प्रमुख व्यावसायिक केन्द्र विधान मार्केटको निरीक्षण गरे। यस अवधि उनले निगमका विभिन्न विभागीय अधिकारीहरू, इलेक्ट्रिक विभागका कर्मचारीहरू औ विधान मार्केट व्यवसायी समितिको साथमा सम्पूर्ण बजार क्षेत्रको जायजा लिए।

निरीक्षणको क्रममा अण्डर केबलिङ्गको कार्य प्रगतिको जाँच गरियो। साथै माछा बजार, सड़क, ड्रेनेज सिस्टम तथा लाइटिङ्ग व्यवस्थाको पनि विस्तार पूर्वक मूल्याङ्कन गरियो। कमिश्नरले सम्बन्धित विभागहरूलाई आवश्यक मरम्मत औ विकास कार्यहरूलाई चाँड़ै पूरा गर्ने निर्देश दिए।

कमिश्नर वीर विक्रम रायले भने, अण्डर केबलिङ्गको काम आंशिक रूपमा पूरा भइसकेको छ, त्यसैले यसलाई रोक्न सकिँदैन। तथापि यस कार्य अवधि सर्वसाधारण मानिसहरूलाई कुनै पनि प्रकारको असुविधा हुन नदिनका लागि विशेष ध्यान दिइनेछ। आगामी चाड़-पर्वहरूलाई मध्यनजर गर्दै चरणबद्ध ढङ्गमा काम गरिनेछ। काम भइरहेका ठाउँहरूलाई चाँड़ोभन्दा चाँड़ो सामान्य स्थितिमा फर्काइनेछ।

हिन्दुस्थान समाचार / उष्णता छेत्री शर्मा