नयाँ दिल्ली, 18 जुलाई (हि.स.)। अखिल भारतीय विद्यार्थी परिषद (अभाविप)-ले दिल्ली विश्वविद्यालय प्रशासनद्वारा छात्रसङ्घ चुनाउ-2026 लाई सुचारु, पारदर्शी एवं गरिमापूर्ण सञ्चालन गर्ने उद्देश्यले जारी दिशा-निर्देशहरूलाई स्वागत गऱ्यो। उसले भन्यो, यो छात्र राजनीतिमा स्वस्थ लोकतान्त्रिक परम्पराहरूलाई सुदृढ़ बनाउने महत्वपूर्ण निर्णय हो। विश्वविद्यालय शिक्षाको केन्द्र मात्र होइन, लोकतान्त्रिक संस्कारहरूको प्रमुख म़ञ्च पनि हो। त्यसैले छात्रसङ्घ चुनाउ मर्यादा, अनुशासन, विचार औ सम्वादको आधारमा सम्पन्न होस्, यो प्रत्येक विद्यार्थी एवं छात्र सङ्गठनको सामूहिक जिम्मेवारी हो।
अभाविप दिल्लीका प्रान्त मन्त्री सार्थक शर्माले भने, दिल्ली विश्वविद्यालयद्वारा दिल्ली उच्च न्यायालय एवं लिङ्गदोह समितिको निवेदन अनुरूप चुनाउ प्रक्रियालाई व्यवस्थित एवं अनुशासित बनाउनको लागि उठाइएका कदम सराहनीय छ। सार्वजनिक सम्पत्तिको सुरक्षा, पर्यावरण संरक्षण, चुनाउ प्रचारको लागि स्पष्ट आचार-संहिता तथा परिसरको शैक्षणिक गरिमालाई कायम राख्ने सम्बन्धी प्रावधान एक उत्तरदायी एवं आदर्श चुनावी वातावरणको निर्माणमा सहायक सिद्ध हुनेछ।
उनले भने, अभाविप सदैव मुद्दा-आधारित, सकारात्मक एवं मूल्यनिष्ठ छात्र राजनीतिको पक्षधर रहिआएको छ। परिषदलाई विश्वास छ, सबै छात्र सङ्गठनहरूले विश्वविद्यालयद्वारा जारी दिशानिर्देश एवं आचार-संहितालाई पूर्ण पालन गर्नेछन् तथा स्वस्थ लोकतान्त्रिक प्रतिस्पर्धाको माध्यमबाट विद्यार्थीहरूको हितलाई सर्वोपरी राख्दै चुनाउ प्रक्रियामा सहभागी बनुन्।
उल्लेखनीय छ, दिल्ली विश्वविद्यालयले गत 16 जुलाईको दिन दिल्ली विश्वविद्यालय छात्रसङ्घका पदाधिकारी तथा छात्र सङ्गठनहरूका प्रतिनिधिहरूसित बैठक गरेर यो निर्णय लिएको छ, 'नो पेन्टिङ्ग, नो प्रिन्टिङ्ग औ नो पेस्टिङ्ग'- को नियमलाई कड़ाईपूर्वक पालन गरियोस्। यसान्तर्गत चुनाउ प्रचारमा कुनै पनि प्रकारका प्रिन्टेड सामग्रीहरूलाई प्रयोगमा नल्याइयोस्। वाल अफ डेमोक्रेसीमा केवल ह्याण्डमेड पोस्टर नै टाँस्न सकिन्छ। यसको साथै क्याम्पसमा जेसीबी, ट्र्याक्टर औ कालो शिशा भएका कारहरूको प्रवेशमाथि पूर्ण रूपले रोक लगाइनेछ। विश्वविद्यालय प्रशासनद्वारा जारी यी दिशानिर्देशहरूको प्रभावकारी क्रियान्वयनबाट दिल्ली विश्वविद्यालय छात्रसङ्घ चुनाउ अधिक पारदर्शी, निष्पक्ष, शान्तिपूर्ण एवं लोकतान्त्रिक मूल्य अनुरूप सम्पन्न हुनेछ तथा परिसरमा स्वस्थ शैक्षणिक एवं लोकतान्त्रिक वातावरण अधिक सुदृढ़ बन्नेछ।
हिन्दुस्थान समाचार / उष्णता छेत्री शर्मा