पश्चिम बर्दवान, 19 जुलाई (हि.स.)। पश्चिम बङ्गाल सरकारमा अर्बन डेभलपमेन्ट एवं म्युनिसिपल अफेयर्स मन्त्री अग्निमित्रा पालले आइतवार डामरा पम्प हाउसबाट 10 नम्बर डङ्गाल तथा मोहिशीला ओभरहेड रिजर्वायरसम्म नयाँ पाइपलाइन बिछाउने परियोजनाको शिलान्यास गरिन्। साथै उनले डामरा पम्प आउसमा इल्केट्रिकल एवं म्याकेनिकल विकास कार्यहरूको पनि शिलान्यास गरिन्।

यस अवसरमा पश्चिम वर्दवान जिल्लाधिकारी एस. पोन्नमबलम, आसनसोल नगरनिगमका अधिकारी तथा अन्य प्रशासनिक पदाधिकारीहरू उपस्थित थिए। मन्त्रीले परियोजनाको शिलापटको अनावरण गरी कार्यको शुभारम्भ गरिन्।

कार्यक्रमलाई सम्बोधन गर्दै अग्निमित्रा पालले भनिन्, देशको प्रत्येक घरसम्म नलको माध्यमबाट स्वच्छ पिउने पानी पुगोस् भन्ने प्रधानमन्त्री नरेन्द्र मोदीको सपना छ। यसै उद्देश्यलाई ध्यानमा राखेर सरकारले लगातार काम गरिरहेको छ। उनले भनिन्, पहिला पनि अमृत परियोजना अन्तर्गत राज्यलाई करोड़ौं रुपियाँ उपलब्ध गराइएको थियो ताकि मानिसहरूको घरसम्म पिउने पानी पुऱ्याउन सकियोस्, तर त्यस राशिको समुचित उपयोग गरिएन जसले गर्दा मानिसहरूले त्यसको लाभ पाउन सकेनन्।

उनले भनिन्, अब पश्चिम बङ्गालमा डबल इञ्जिनको सरकार छ जसले प्रधानमन्त्री नरेन्द्र मोदीका सपनाहरूलाई साकार पार्नको लागि द्रूत गतिमा कार्य गरिरहेको छ। यो परियोजना पनि सोही दिशामा एक महत्वपूर्ण कदम हो जसबाट आसनसोलका हजारौं मानिसहरूलाई स्वच्छ पेयजलको सुविधा प्राप्त होस्।

हिन्दुस्थान समाचार / उष्णता छेत्री शर्मा