मुरादाबाद, १९ जुलाई (हि.स.) । आइतवार उत्तर प्रदेशको मुरादाबाद जिल्लाको सिभिल लाइन्स थानामा तीन महिला सहित पाँच जना विरुद्ध ४.७० लाख रुपियाँ ठगी गरेको आरोपमा उजुरी दर्ता गरी अनुसन्धान शुरु गरिएको छ ।

मेरठ जिल्लाको टीपी नगर थाना क्षेत्रको विकास नगरका बासिन्दा विवेक कुमारले रामपुरको शहजादनगरको पैगम्बर गाउँकी कञ्चन, उनकी बहिनी वीणा राजपूत, बरेली निवासी अलिसा अन्सारी र अमरोहा निवासी विपिन कुमार र सतीश चन्द्र विरुद्ध उजुरी दर्ता गरेका छन्। जसमा उनले फेसबुक मार्फत २०२४ मा मुरादाबाद महानगरको माझोला थानाको सेक्टर १३ मा बस्ने रामपुर पैगम्बर निवासी कञ्चनसँग सम्पर्कमा आएको बताए । उनले आफूलाई अमरोहाको एक इन्टर कलेजमा शिक्षक बताइन्। त्यसपछि दुवैबीच कुराकानी शुरू भयो । गत 10 जूनमा कञ्चनले उनीबाट आफ्नो पिताको बिरामीको उपचारका लागि ४ लाख ७० हजार रुपियाँ लिइन् तर फिर्ता गरिनन् ।

सिभिल लाइन सर्कलका क्षेत्राधिकारी अभिनव द्विवेदीले मेरठ निवासी पीड़ितको उजुरीको आधारमा आइतवार मुद्दा दर्ता गरी अनुसन्धान शुरु गरिएको बताए। अनुसन्धानमा जे कुरा आउँछ त्यसका आधारमा थप कारबाही र पक्राउ गरिनेछ ।

हिन्दुस्थान समाचार / भवानी थामी