बलौदाबाजार, २ जुलाई (हि.स.)। छत्तीसगढ़को बलौदाबाजारमा गए राति क्याप्सुल वाहनको ठक्करबाट मोटरसाइकलमा सवार दुई जनाको मृत्यु भएको छ। बिहिवार दुवै मृतकको शव पोस्टमार्टमपछि परिवारलाई बुझाइएको छ। पलारी पुलिसले मर्ग कायम गरी घटनाको अनुसन्धान शुरु गरेको छ।
प्राप्त जानकारी अनुसार, मृतकहरूको पहिचान सत्यप्रकाश सोनवानी (३४), निवासी खोरसीनाला–लवन रोड तथा गोपी किशन आडिल (२५), निवासी सोनपुरी गाउँका रूपमा भएको छ। दुवै जना सिटी कोतवाली थाना क्षेत्रका बासिन्दा थिए र पलारी थाना क्षेत्रको सण्डी स्थित रक्सी सलमा कर्मचारीका रूपमा कार्यरत थिए।
बुधवार राति पलारी थाना क्षेत्र अन्तर्गत घोटिया गाउँ नजिक क्याप्सुल वाहनले उनीहरूलाई ठक्कर दिएको थियो। दुर्घटनामा दुवै युवक गम्भीर घाइते भएका थिए। उपचारका लागि अस्पताल लगिएको भएपनि उपचारकै क्रममा दुवैको मृत्यु भएको पुलिसले जनाएको छ।
पुलिसले दुवै शवको पोस्टमार्टम सम्पन्न गरी परिवारलाई जिम्मा लगाएको छ। साथै घटनाबारे मर्ग कायम गरी थप अनुसन्धान अघि बढ़ाइएको छ।
हिन्दुस्थान समाचार / भवानी थामी
