कोलकाता, 03 जुलाई (हि.स.)। बङ्गालको खाड़ीमा विकसित निम्न दबावको कारणले पश्चिम बङ्गालको मौसममा एक पटक फेरि ठूलो परिवर्तन आइरहेको छ। भारतीय मौसम विभाग, अलिपुर मौसम केन्द्रको पूर्वानुमान अनुसार शनिवार अर्थात चार जुलाईदेखि दक्षिण बङ्गालका विस्तृत क्षेत्रहरूमा मुसलधारे वर्षा तथा तीव्र हावाको नयाँ श्रृङ्खला शुरू हुने सम्भावना छ। मौसम विभागले स्थितिको गम्भीरतालाई मध्यनजर गर्दै प्रभावित जिल्लाहरूको लागि ‘यल्लो’ औ ‘अरेञ्ज’ अलर्ट जारी गरेको छ।
मौसम वैज्ञानिकहरू अनुसार यस मौसमी बदलाउको सबैभन्दा अधिक प्रभाव दक्षिण बङ्गालका तटीय तथा पश्चिमी जिल्लाहरूमा पर्नेछ। विशेष रूपमा पूर्व अनि पश्चिम मेदिनीपुर, झाड़ग्राम, उत्तर औ दक्षिण 24 परगनामा शनिवारदेखि मङ्गलवारसम्म अत्यन्त घना वर्षा हुने चेताउनी जारी गरिएको छ। यस अवधि 30-40 किलोमीटर प्रतिघण्टाको गतिवे हावा चल्ने सम्भावना व्यक्त गरिएको छ।
राजधानी कोलकाता सहित यस वरिपरीका औद्योगिक तथा आवासीय क्षेत्रहरूमा शुक्रवार बिहानदेखिकै आकाशमा बादलहरूको आवागमन भइरहनेछ। मौसम विभाग अनुसार शुक्रवार दिनभरि आद्रताको साथमा हल्कादेखि मध्यम स्तरको मेघ गर्जनसितै वर्षा हुने सम्भावना छ। महानगरको अधिकतम तापमान 34-35 डिग्री सेल्सियस तथा न्यूतनतम 28 डिग्री सेल्सियस रहने अनुमान लगाइएको छ। तथापि आइतवार कोलकातामा मुसलधारे पानी पर्ने आशङ्का व्यक्त गरिएको छ।
बङ्गालको खाड़ीमा विकसित चक्रवाती तन्त्रको कारणले समुद्रभित्रको परिस्थिति अत्यन्त प्रतिकूल तथा अशान्त भएको छ। मौसम विभागले प्रशासनलाई सतर्क गराउँदै मछुआराहरूको लागि विशेष परामर्श जारी गरेको छ। तटीय क्षेत्रहरूमा लगायत दिघा र मन्दारमणि जस्ता पर्यटन केन्द्रहरूमा गहिरो समुद्रमा जानदेखि पूर्ण रूपले रोक लगाउने निर्द्स दिइएको छ ताकि कुनै पनि प्रकारको अप्रिय घटना हुनदेखि बच्न सकियोस्।
हिन्दुस्थान समाचार / उष्णता छेत्री शर्मा
