गुवाहाटी, 04 जुलाई (हि.स.)। असम सरकारले मनसुन अवधि गुवाहाटीमा जलभराउको समस्याको स्थायी समाधान गर्नको लागि आफ्नो प्रयासलाई तीव्रता दिएको छ। यसै क्रममा आवास एवं शहरी कार्य मन्त्री कौशिक रायले शनिवार बिहान जालुकबाड़ी विधानसभा क्षेत्र अन्तर्गत मालीगाउँ तथा वरपरका क्षेत्रहरूको दौड़ाह गरी नाली, जल निकासी व्यवस्था तथा पानी भरिने स्थानहरूको निरीक्षण गरे।

निरीक्षण अवधि मन्त्रीले गुवाहाटी नगरनिगम (जीएमसी), जीएमडीए, भारतीय रेल, लोक निर्माण विभाग (पीडब्ल्यूडी) तथा अन्य सम्बन्धित विभागीय अधिकारीहरूलाई जल निकासी व्यवस्थालाई अधिक प्रभावकारी बनाउने तथा आवश्यक कदम उठाउने निर्देश दिए। उनले भने, विभिन्न विभागले आपस्तमा समन्वय राखेर कार्य गरिरहेको छ ताकि मुसलधारे पानी पर्दा शहरवासीहरूलाई अनावश्यक समस्याको सामना गर्न नपरोस्। उनले यस अभियानको सफलताको लागि आम जनताको सहयोग पनि आवश्यक रहेको बताए।

निरीक्षणको क्रममा आवास एवं शहरी कार्य विभागकी आयुक्त एवं सचिव कविता पद्मनाभन, जीएमडीएका मुख्य कार्यकारी अधिकारी अम्बातुन एम.पी., जीएमसी आयुक्त चिन्मय फूकन तथा अन्य विभागीय अधिकारी पनि उपस्थित थिए।

हिन्दुस्थान समाचार / उष्णता छेत्री शर्मा