गुवाहाटी, 04 जुलाई, (हि.स.)। राज्यको सबैभन्दा ठूलो सरकारी अस्पताल गुवाहाटी मेडिकल कलेज एवं अस्पताल (जीएमसीएच)- मा गम्भीर चिकित्सकीय लापरवाही गरिएको मामिला प्रकाशमा आएको छ। आरोप छ, एकजना नर्सले एकजना रोगीलाई अर्को रोगीको लागि निर्धारित इन्जेक्शन लगाइदिई जसबाट अस्पतालको कार्यप्रणालीमाथि गम्भीर प्रश्न उठेको छ।

घटनापछि रोगीका परिवारजनमा आक्रोश व्याप्त भएको छ। उनले अस्पताल प्रशासनमाथि घोर लापरवाही गरेको आरोप लगाउँदै दोषीहरूविरूद्ध कड़ा कारबाही गर्ने माग गरेका छन्। यस घटनाले सरकारी अस्पतालहरूमा रोगीहरूको सुरक्षा तथा उपचार व्यवस्थालाई लिएर चिन्ता बढ़ाएको छ।

मामिलामा जीएमसीएचका अधीक्षक डा. देवजीत चौधरीले भने, घटनाको जानकारी पाउनसाथ जाँच गर्ने आदेश दिइएको छ। उनले भने, जाँच रिपोर्टको आधारमा आवश्यक कारबाही गरिनेछ। यो घटनाले एकपटक फेरि सरकारी अस्पतालहरूमा रोगीहरूको सुरक्षा सुनिश्चित गर्ने तथा चिकित्सा प्रक्रियाहरूको निगरानीलाई अधिक कड़ा बनाउने आवश्यकतालाई दर्शाउँछ।

हिन्दुस्थान समाचार / उष्णता छेत्री शर्मा