इम्फाल, 04 जुलाई (हि.स.)। मणिपुरका मुख्यमंत्री वाई. खेमचन्द सिंह शनिवार केही नागरिक सङ्गठनहरूद्वारा डाकिएको बहिष्कार तथा चुराचाँदपुर बन्दबीच पनि हेलिकप्टरको माध्यमबाट चुराचाँदपुर पुगे। उनले पूर्व विधायक वुङ्गजागिन वाल्टेको आवास डोरकास वेङ्गमा आयोजित अन्तिम संस्कारमा भाग लिएर उनलाई श्रद्धाञ्जली अर्पण गरे।

मुख्यमन्त्रीको दौड़ाहलाई लिएर जिल्लामा सुरक्षाको कड़ा व्यवस्था गरिएको थियो। कतिपय स्थानहरूमा प्रदर्शन भयो, बजार बन्द रह्यो तथा वाहनहरूको आवागमन सीमित रह्यो। प्रदर्शनकारीहरूले इम्फाल-चुराचाँदपुर मारगलाई अवरूद्ध गर्ने प्रयास पनि गरे। तथापि मुख्यमन्त्रीको आगमन अवधि कुनै ठूलो हिंसक घटना भएको सूचना प्राप्त भएको छैन।

तीन पटकसम्म विधायक रहेका वुङ्गजागिन वाल्टे पछिल्लो 4 मई, 2023 को दिन मणिपुरमा भएको जातीय हिंसाको शुरुआतमा कथित भीड़को हमलामा परी गम्भीर रूपमा घाइते भएका थिए। लामो उपचारपछि 20 फरवरी, 2026 मा गुरुग्रामको एक अस्पतालमा उनका निधन भयो। उनको निधन भएको चार महिनाभन्दा अधिक समयपछि शनिवार अन्तिम संस्कार सम्पन्न भयो।

वाल्टे पहिलो पटक वर्ष 2012 मा कङ्ग्रेसको टिकटमा विधायक चुनिएका थिए। पछि उनी भाजपामा सामेल भएर वर्ष 2017 मा पुनः निर्वाचित भएष उनले जनजातीय कार्य एवं पर्वतीय क्षेत्र, सामान्य प्रशासन तथा परिवहन मन्त्रीको रूपमा पनि कार्य गरे। वर्ष 2022 को विधानसभा चुनाउमा उनले चुराचाँदपुर सीटबाट पुनः जीत हासिल गरेका थिए।

हिन्दुस्थान समाचार / उष्णता छेत्री शर्मा