सिलगढ़ी, 05 जुलाई (हि.स.)। सिलगढ़ी मेट्रोपोलिटन पुलिसको ट्राफिक विभागको पहलमा आइतवारदेखि अत्याधुनिक ट्राफिक मार्शल सेवा शुरू गरियो। यसको साथै पर्यटकहरूको सुरक्षा अनि सुविधालाई मध्यनजर गर्दै 24 घण्टाको टुरिस्ट हेल्पलाइन नम्बर पनि लञ्च गरियो।

यस नयाँ व्यवस्थाबाट शहरमा यातायातलाई अझ उचित ढङ्गमा नियन्त्रण गर्न सकिन्छ। साथै सड़क दुर्घटनाहरूको रोकथाम, आपत स्थितिमा तत्काल पुलिस सहायता एवं पर्यटकहरूको सुरक्षा सुनिश्चित गर्नमा यो सेवाले महत्वपूर्ण भूमिका निभाउनेछ।

सिलगढ़ीको मल्लागढ़ीस्थित मैनाक टूरिस्ट लजमा आयोजित एक कार्यक्रमको पहिलो चरणमा ट्राफिक मार्शल बाइकलाई हरियो झण्डा देखाएर प्रस्थान गराइयो। यस पहलको उद्घाटन राज्यका पर्यटन मन्त्री शङ्कर घोषले गरे। कार्यक्रममा पुलिस कमिश्नर सैयद वकार रजा सहित केही वरिष्ठ पुलिस अधिकारीहरू उपस्थित थिए।

पर्यटन मन्त्री शङ्कर घोषले भने, प्रत्येक वर्ष ठूलो सङ्ख्यामा पर्यटकहरू सिलगढ़ी आउँछन्, यस स्थितिमा उनीहरूको सुरक्षा अनि सुविधा सुनिश्चित गर्नु अत्यन्त आवश्यक छ। उनले बताए, 24x7 टूरिस्ट हेल्पलाइनको माध्यमबाट कुनै पनि आपत स्थितिमा तत्काल पुलिस सहायता उपलब्ध गराइनेछ अनि सिकायत प्राप्त हुनसाथ सम्बन्धित थानालाी सूचित गरी आवश्यक कारबाही गरिनेछ।

हिन्दुस्थान समाचार / उष्णता छेत्री शर्मा