वाराणसी, 16 अगस्त (हि.स.)। उत्तर प्रदेशमा शनिवार बिहान वाराणसी जिल्लाको बाबतपुर स्थित लालबहादुर शास्त्री अन्तरराष्ट्रिय विमानस्थलमा लाइसेन्स प्राप्त पेस्तोलको जाँचको कर्ममा गोली चल्यो। दुर्घटनामा एक जना महिला कर्मचारी र नजिकै उभेका अर्का व्यक्ति घाइते भएका छन्। दुवैलाई उपचारका लागि अस्पताल लगिएको छ।

डीसीपी गोमती जोन अफिस अनुसार, शनिवार बिहान 9ः30 बजी आजमगढ़का बासिन्दा कमलेश राय आफ्नी पत्नीसँग एयरपोर्ट पुगेका थिए। उनी एयर इन्डिया एक्सप्रेसको उड़ान संख्या आई एक्स 1810 मार्फत वाराणसीबाट मुम्बई जानुथियो। यात्रुले आफूसित लाइसेन्सत प्राप्त पेस्तोल लिएर आएका थिए।

विमानस्थलमा सुरक्षा जाँचका क्रममा लाइसेन्स प्राप्त पेस्तोल र त्यसमा रहेको राउन्डको गणना भइरहेको थियो। सोही समय अचानक पेस्तोलबाट गोली चल्यो। गोली राउन्ड जाँच गरिरहेकी महिला कर्मचारी सुमन कुमारीको खुट्टामा लाग्यो भने नजिकै उभिएका अर्का व्यक्तिलाई पनि औँलामा गोली लाग्यो।

घटनाको जानकारी पाएपछि शीर्ष पुलिस अधिकारी घटनास्थलमा पुगे। गोमती क्षेत्रका पुलिस उपायुक्त, सहायक पुलिस आयुक्त पिण्ड्रा र अन्य अधिकारीहरूले घटनास्थलको निरीक्षण गरी घटनाको जानकारी सङ्कलन गरे।

पुलिसले दुवै घाइतेलाई उपचारका लागि लक्ष्मी अस्पतालमा पठाएको छ। यस विषयमा आवश्यक कानूनी कारबाही भइरहेको छ।

हिन्दुस्थान समाचार / भवानी थामी