नोएडा, 21 अगस्त (हि.स.)। नोएडाका विभिन्न भागबाट अज्ञात बदमाशहरूले दुई महिलाको मोबाइल फोन र सुनको चेन लुटेका छन्।

थाना बिसरखका प्रभारी निरीक्षकले बताए, हिजो राति लोकेन्द्र कुमारले पुलिस थानामा रिपोर्ट दर्ता गरेका छन् कि उनी आफ्नी पत्नीसंग सपिङ गर्न फ्युजन होम अपार्टमेन्टको बजारमा गएका थिए। उनी अनुसार, सोही समय बाइकमा आएका दुई अज्ञात बदमाशले उनकी पत्नीको घाँटीबाट सुनको चेन लुटे। उनकी पत्नीको चेनको वजन लगभग 20 ग्राम थियो। पीड़ितको उजुरीमा पुलिसले मुद्दा दर्ता गरेको छ र अनुसन्धान भइरहेको उनले बताए।

थाना सेक्टर-49 का प्रभारी इन्स्पेक्टर राम प्रकाश शर्माले बताए, ज्योति नाम गरेकी युवतीले हिजो राति पुलिसलाई आफू गाजियाबादकी बासिन्दा भएको जानकारी दिएको बताए। पीड़िता अनुसार, उनी सेक्टर 52 बाट जाँदै गर्दा बाइकमा आएका अज्ञात बदमाशहरूले उनको हातबाट बहुमूल्य मोबाइल फोन खोसे। घटनामा मुद्दा दर्ता गरिएको र अनुसन्धान भइरहेको पुलिसले जानकारी गराएको छ।

हिन्दुस्थान समाचार / भवानी थामी