कूचबिहार, १७ सेप्टेम्बर (हि.स.)। जिल्लाको मेखलीगञ्जमा सीमा सुरक्षा बल (बीएसएफ) ले लगभग साढ़े दुई लाख रुपियाँ बराबरको बांग्लादेशी मुद्रा सहित एक जनालाई हिरासतमा लिएको छ। उसलाई बिहिवार मेखलीगञ्ज थानाको पुलिसलाई जिम्मा लगाइएको छ। हिरासतमा लिइएको व्यक्तिको पहिचान परितोष रायको रूपमा भएको छ। उ कुचलीबाड़ी थाना क्षेत्र अन्तर्गत सीमावर्ती क्षेत्रका निवासी रहेको बताइएको छ।
जानकारी अनुसार, बुधवार अबेर राति मेखलीगञ्ज थाना क्षेत्र अन्तर्गत सीमावर्ती इलाकामा गस्ती गर्ने क्रममा बीएसएफको १७८औँ बटालियनका जवानहरूले ती व्यक्तिलाई शंकास्पद गतिविधिमा संलग्न रहेको अवस्थामा देखे। शंका लागेपछि जवानहरूले उसलाई रोकेर खानतलासी लिए। खानतलासीका क्रममा उदेखि ठूलो मात्रामा बांग्लादेशी नोट जफत भयो।
बिहिवार उसलाई मेखलीगञ्ज थानाको पुलिसको जिम्मा लगाइएको छ। पुलिसले घटनाको विस्तृत अनुसन्धान गरिरहेको छ।
हिन्दुस्थान समाचार / भवानी थामी
