नयाँ दिल्ली, २१ सेप्टेम्बर (हि.स.)। भारतीय जनता पार्टी (भाजपा) ले लागूऔषधको मुद्दालाई लिएर पञ्जाबको आम आदमी पार्टी (आप) सरकारमाथि प्रश्न उठाउँदै राज्यमा लागूऔषधको कारोबारबारे उजुरी गर्ने व्यक्तिमाथि नै कारबाही भइरहेको दाबी गरेको छ।

भाजपाले पञ्जाबलाई लागूऔषधमुक्त बनाउन आफूहरूले निरन्तर आवाज उठाउँदै आएको जनाएको छ। पार्टी अनुसार, अध्यक्ष नितिन नवीनको नेतृत्वमा ‘नशामुक्त प जाब यात्रा’ राज्यका सबै ११७ विधानसभा क्षेत्रमा पुग्नेछ।

पार्टीका राष्ट्रिय प्रवक्ता गौरव भाटियाले पार्टी मुख्यालयमा आयोजित पत्रकार सम्मेलनमा जग्गी सिंहको विषय उठाउँदै उनले पञ्जाबमा लागूऔषधको कारोबारबारे उजुरी गरेको बताए। भाटियाले लागूऔषध कारोबारबारे उजुरी गर्ने व्यक्तिमाथि नै किन कारबाही गरिएको हो भन्ने प्रश्न उठाए।

उनले उजुरीमाथि प्रभावकारी कारबाही गर्नुको सट्टा जग्गी सिंहसँग कथित रूपमा दुर्व्यवहार तथा कुटपिट गरिएको आरोप लगाए।

भाटियाले मुख्यमन्त्री भगवन्त मानमाथि प्रश्न चिह्न खड़ा गर्दै भने, मुख्यमन्त्रीको काम कानून-व्यवस्था कायम राख्नु र शिकाय, लिएर आउने व्यक्तिलाई न्याय दिलाउनु हो। उनले आरोप लगाए, पञ्जाबमा नशा विरूद्ध आवाज उठाउनेहरूलाई पनि कारबाहीको सामना गर्नुपरिरहेको छ जबकि लागूऔषदको कारोबार विरूद्ध प्रभावी कारबाही भइरहेको छैन।

भाजपा नेताले पञ्जाबका युवाहरूले रोजगारीका अवसर चाहेको र आफ्नो पार्टीले रोजगारीका अवसर उपलब्ध गराउने विषयमा जोड दिइरहेको बताए। उनले पञ्जाबलाई लागूऔषधमुक्त बनाउनु भाजपाको संकल्प रहेको बताए।

हिन्दुस्थान समाचार / भवानी थामी