नयाँ दिल्ली, 18 सेप्टेम्बर (हि.स.)। कांग्रेस पार्टीले बुधवार हरियाणाको निम्ति पार्टीको घोषणा पत्र जारी गऱ्यो, जसमा जनतासॅंग सातवटा वाचा गरिएको छ। पार्टीले महिलाहरूलाई प्रतिमाह 2 हजार रूपियाँ दिने र 500 रूपियाँको एलपीजी सिलेन्डर दिने वाचा गरेकाे छ।
कांग्रेस मुख्यालयमा पार्टी अध्यक्ष मल्लिकार्जुन खरगेको उपस्थितिमा आज हरियाणाको निम्ति पार्टीको घोषणा पत्र जारी गरियो। यसमा कांग्रेसले वाचा गरेको छ कि चुनाउ जितेपछि पार्टीले महिलाहरूलाई हरेक महिना 2 हजार रूपियाँ दिनेछ र 500 रूपियाँमा एलपीजी सिलेन्डर दिइनेछ। सामाजिक सुरक्षामाथि बल दिँदै वृद्ध, दिव्याङ्ग र विधवाहरूलाई 6 हजार रूपियाँको पेन्शन दिने घोषणा गरियो। सरकारी नौकरीहरूमा पुरानो पेन्शन योजना लागू गरिनेछ। युवाहरूलाई सुरक्षित भविष्य दिनको निम्ति भर्ती विधान अन्तर्गत 2 लाख पक्का नौकरी दिइनेछ। हरियाणालाई नशा मुक्त बनाइनेछ।
हरेक परिवारलाई 300 यूनिट बिजुली फ्री र 25 लाखसम्मको निःशुल्क उपचार उपलब्ध गराइनेछ। गरीबहरूका लागि 100 गजको प्लट, 3.5 लाखको लागतले दुई कमराको घर दिइनेछ। किसानहरूको समृद्धिको निम्ति एमएसपीको कानूनी गारन्टी र तत्काल फसल क्षतिपूर्ति दिइनेछ। पछौटेहरूलाई अधिकार दिलाउन जातिगत सर्वे गराइनेछ। क्रीमी लेयरको सीमालाई बढ़ाएर 10 लाख गरिनेछ।
हिन्दुस्थान समाचार / भवानी थामी
19 Sep 2024