भोपाल, 19 सेप्टेम्बर (हि.स.)। राष्ट्रपति द्रौपदी मुर्मूले मप्रको दुई दिवसीय प्रवासको दोस्रो दिन बिहिवार उज्जैनको ग्राम ढेन्डियामा रूद्राक्ष होटलमा स्वच्छता नै सेवा-2024 अभियान अन्तर्गत लगाइएको प्रदर्शनीको अवलोकन गरिन्।
राष्ट्रपति मुर्मूले अनुपयोगी लुगाहरूबाट नवजात नानीहरूका लागि बनाइएका दुलार किट, नरियलको अपशिष्ट र गोबरबाट बनेको उत्पाद, सुखा फोहोरको सही निष्पादन गरी बनाइएको बहुपयोगी उत्पाद र श्रीमहाकालेश्वर मन्दिरमा अर्पित गरिएका फूलहरू र निर्माल्यबाट बनेको उत्पाद, अगरबत्ती एवं अन्य उत्पाद बनाउने मशीन, निर्माल्य प्र-संस्करण, सफाई मित्रहरूको निम्ति सुरक्षा उपकरण एवं संसाधन र शून्य अपशिष्ट आयोजनको स्टलको अवलोकन गरिन्।
राष्ट्रपतिले प्रदर्शनी स्थलमा उपस्थित सफाईकर्मी पूनम सारवान, दीपक थनवार, विधि संगत, राधा धावरे र ज्योति टाङ्कसित संवाद गरिन्। राष्ट्रपतिले भगवान महाकालेश्वरलाई अर्पित गरिएका फूलहरूबाट अगरबत्ती बनाउने मशीनको अवलोकन गरिन्। स्टलमा बसेका शकुन्तला मालवीय, शान्तिबाई चौधरी र कविता परमारले उनलाई भगवानलाई चढ़ाइएको फूलहरूको री-साइकल गरी अगरबत्ती निर्माण गर्नुबारे जानकारी दिए। राष्ट्रपतिले यसको प्रशंसा गरिन्। उनलाई अन्य प्रमुख मन्दिरहरूमा पनि छिट्टै नै यो व्यवस्था शुरू गरिने बताइयो।
हिन्दुस्थान समाचार / भवानी थामी