गेजिङ, 13 जनवरी (हि.स.)। गेजिङ जिल्लाको फिथाङमा आयोजित खुल्ला कम्पाउण्ड आर्चेरी प्रतियोगिताको पाँचौ दिनमा गेजिङ जिल्लाका जिल्लापाल तेञ्जिङ दोर्जी डेञ्जोङपा मुख्य अतिथिको रूपमा सहभागी बने। 21 दिने लामो यस प्रतियोगिताको आयोजना पश्चिम जिल्ला आर्चेरी एसोसिएशनले गरेको हो। सो प्रतियोगितामा सिक्किम, भोटान र पश्चिम बंगालबाट कुल 17 वटा टोलीले सहभागिता जनाएको छ।

आफ्नो संक्षिप्त सम्बोधनमा जिल्लापालले यस क्षेत्रको लागि महत्वपूर्ण सांस्कृतिक र ऐतिहासिक मूल्य राख्ने धनुर्विद्या जस्ता परम्परागत खेलकूदलाई संरक्षण गर्ने आयोजक समितिद्वारा गरिएको पहलको प्रशंसा गरे। उनले विजेताहरू र सहभागीहरूलाई उनीहरूको उत्कृष्ट प्रदर्शनको लागि बधाई दिए र स्थानीय संस्कृति र खेलकूदको संरक्षण र प्रवर्द्धन गर्ने उद्देश्यले गरिएका पहलको निम्ति धन्यवाद दिए।

हिन्दुस्थान समाचार / प्रदीप