खरसाङ, 07 जनवरी (हि.स.)। खरसाङ खण्ड अन्तर्गत सन्त मेरिज ग्राम पञ्चायत 2 को खहरे र गोथल्स साइडिङ्ग क्षेत्रमा आजदेखि स्ट्रिट लाइट लगाउने कार्य शुरू गरिएको छ। सन्त मेरिज ग्राम पञ्चायत दुईको लोवर खहरे, मिडल खहरे र गोथल्स साइडिङ्ग क्षेत्रमा गरी जम्मा 6 वटा स्ट्रिट लाइट लगाउने कार्य सम्पन्न गरिएको जानकारी प्राप्त भएको छ।
आगामी दिनमा सन्त मेरिज ग्राम पञ्चायत दुईका विभिन्न स्थानहरुमा 20 वटा जति स्ट्रिट लाइट लगाउने कार्य गरिने बताइएको छ। यस विषयमा पत्रकारहरुसित कुराकानी गर्दै सन्त मेरिज ग्राम पञ्चायत दुईका पञ्चायत प्रधान सहदेव तामाङले सन्त मेरिज ग्राम पञ्चायत दुईका विभिन्न स्थानहरुमा जम्मा 20 वटा स्ट्रिट लाइटहरु लगाइने र एउटा संसदमा 3 वटा स्ट्रिट लाइट लगाउने कार्य गरिने जानकारी गराए।
उनले आजदेखि खहरे र गोथल्स साइडिङ्ग क्षेत्रमा 6 वटा स्ट्रिट लाइट लगाउने कार्य सम्पन्न गरिएको बताए। उनले अब विस्तारै सिंगेल, कफिबारी, सन्त मेरिज क्षेत्रमा पनि स्ट्रिट लाइट लगाइने बताए।
हिन्दुस्थान समाचार / हनोक
