उत्तरकाशी, 20 अक्टोबर (हि.स.)। विश्वप्रसिद्ध चार धाममध्येका दुई पवित्र तीर्थ गंगोत्री र यमुनोत्री धामलाई दिपावली पर्वको अवसरमा फूल र रंगोलीले दुलहीझैँ सजाइएको छ। दिपावलीसँगै दुवै धामका शीतकालीन कपाट बन्द गर्ने तयारी पनि पूरा गरिएको छ।
गंगोत्री र यमुनोत्री धामका कपाट शीतकालका लागि क्रमशः २२ अक्टोबर दिउँसो ११:३६ बजे (अन्नकूट पर्वको दिन) र २३ अक्टोबर दिउँसो १२:३० बजे (भाईटिकाको दिन) बन्द गरिनेछन्। कपाट बन्द भएपछि, आगामी छ महिनासम्म भक्तजनहरूले माता गंगाको दर्शन मुखवा गाउँमा र माता यमुनाको दर्शन खरसाली गाउँमा गर्न सक्नेछन्।
कपाट बन्द हुनु अघि गंगोत्री मन्दिरलाई फूलहरूले भव्यरूपमा सजाइएको छ, जसले मन्दिरको सौन्दर्य झनै मनमोहक बनेको छ। दिपावलीको अवसरमा मन्दिर परिसरमा रंगोलीले पनि आकर्षक सजावट गरिएको छ।
गंगोत्री धामका रावल राजेश सेमवालका अनुसार, दिपदान अघि माता गंगा देवीलाई अर्ग चढाइने परम्परा छ। त्यसपछि साँझपखदेखि दीप उत्सव उल्लासपूर्वक मनाइन्छ।
-------------
हिन्दुस्थान समाचार / भवानी थामी
