जोधपुर, 20 अक्टोबर (हि.स.)। जैसलमेरमा भएको बस आगलागी दुर्घटनामा मृत्यु हुनेको संख्या निरन्तर बढ्दै गएको छ। आइतबार राति एक अर्को महिलाको मृत्यु भएपछि अबसम्म यस दुर्घटनामा २५ जनाको ज्यान गइसकेको छ। दुई जना घाइतेको अवस्था अझै गम्भीर छ र दुबैलाई भेन्टिलेटरमा राखिएको छ।

पुलिसका अनुसार, यो भीषण घटना अक्टोबर १४ मा भएको थियो। दुर्घटनामा गम्भीर रूपमा घाइते भएकी ३० वर्षीया इमामत ८५ प्रतिशतसम्म जलेकी थिइन्। उनलाई जोधपुरको महात्मा गान्धी अस्पतालमा भर्ना गरिएको थियो, जहाँ उनले शनिबार राति ज्यान गुमाइन्।

इमामतका दुई छोरा — इरफान र युनुस, र छोरी हसीनाको मृत्यु यसअघि नै दुर्घटनामा भइसकेको थियो। उनका श्रीमान् पीर मोहम्मद पनि गम्भीर रूपमा जलेका छन् र हाल अहमदाबादमा उपचाररत छन्। जानकारी अनुसार, बसमा आगलागी भएपछि पीर मोहम्मदले यात्रीहरूलाई बचाउनका लागि सिसा तोड्ने प्रयास गरेका थिए, तर सफल हुन सकेनन्।

महात्मा गान्धी अस्पतालका अधीक्षक डा. फतेह सिंहका अनुसार, हाल दुई जना बिरामी भेन्टिलेटरमा छन् भने अन्य छ जना घाइतेको उपचार विशेष टोलीको निगरानीमा भइरहेको छ।

--------------

हिन्दुस्थान समाचार / भवानी थामी