मुम्बई, 21 अक्टोबर (हि.स.)। मुम्बई निकट नवी मुम्बई शहरमा दुई अलग-अलग ठाउँ मंगलवार बिहानै अचानक आगो लाग्दा 6 जनाको मृत्यु भयो र 13 जना गम्भीर रूपमा घाइते भए। सबै घाइतेहरूलाई छेवैको अस्पतालहरूमा भर्ती गराइएको छ। पुलिसले दुवै घटनामा आगो लागेको कारणहरूको पत्तो लगाउने प्रयास गरिरहेको छ।

फायर ब्रिगेड अधिकारी अनुसार, आज बिहानै नवी मुम्बईको रहेजा रेजिडेन्सी हाउसिंग सोसाइटीमा अचानक आगो लाग्दा 4 जनाको मृत्यु भयो र 10 जना जले। मृतकहरूमा छह वर्षीय बालिका पनि सामेल छे। आगोमा मर्नेहरूको पहिचान वेदिका सुन्दर बालकृष्णन (6), कमला हीरल जैन (84), सुन्दर बालकृष्णन (44) र पूजा राजन (39) को रूपमा गरिएको छ। यहाँ लागेको आगो 10औं, 11औं र 12औं तलासम्म फैलिएको थियो, जसमा फायर ब्रिगेडको टीमले लामो प्रय़ासपछि आगो निभायो।

यसैगरी नवी मुम्बईमा मंगलवार बिहान सेक्टर 36 स्थित अम्बे श्रद्धा कोअपरेटिव सोसाइटी स्थित एक घरमा अचानक आगो लाग्दा दुई जनाको मृत्यु भयो र तीन जना जले। फायर ब्रिगेडको टीमले दुवै शवलाई घरको बेडरूमबाट निकालेर पोस्टमार्टमोक निम्ति पठाएको छ। वाशी पुलिस स्टेशनको टीमले यस घटनाको छानबीन गरिरहेको छ। अहिलेसम्म यस घटनामा मृतकहरू र घाइतेहरूको पहिचान हुनसकेको छैन।

हिन्दुस्थान समाचार / भवानी थामी